ما ننسه ثارج...يا زهراء
بالدم مزارج...يا زهراء

ما ننسه من هجموا عله الدار...وبباب فاطم شعلوا النار
ضلع الزجية انصاب مسمار...من فضه وصلت حيدر أنباء
بالدم مزارج...يا زهراء
 
ميت المحسن طاح بالباب...لكن أبد ما طاح الحجاب
يا بسملة آيات الكتاب...يالزهرة انتي ونقطة الباء
بالدم مزارج...يا زهراء

حيدر اخلافج يضرب اجفوف...راحت المنها العين متشوف
أول وصارت ضدي السيوف...عدوني رابع بين الأسماء
بالدم مزارج...يا زهراء

وصيتي حيدر من يشيعون...بالسر دفنتي لازم اتكون
ماريد يمشي اوياي ملعون...لا تمشي خلف اجنازتي أعداء
بالدم مزارج...يا زهراء 
 
شفتي الحسن وحسين يبجون...ميته وفتحتي الولدج اعيون
حيدر تمنه اوياج مدفون...تفديج روحي وكل الأبناء
بالدم مزارج...يا زهراء
 
زينب ييمه وراح تبجين...مثل الفقد يوسف تنوحين
مسبية لرض الشام ترحين...واتمر عليج أيام سوداء
بالدم مزارج...يا زهراء