يَا غِيْرَةَ الله...يَا صَاحِبَ الثَّأْرِ وَ لِلثَّأْرِ بَقِيَّة
يَا غِيْرَةَ الله...أَنْتَ الْمُعَّزَى فِي اللَّيَالِي الْفَاطِمِيَّة

جم مره ضلعك ينكسر من فاطمه الهذا اليوم...عينك نشف بيها الدمع هسه الدمع بس ادموم
مظلومه ماتت فاطمه و الثار هم ظل مظلوم...قلبك جرح حاضن جرح حته النبض بيه ملجوم
يَا حُجَّةَ الله...هَذَا هَوَانُ الأَمْرِ فِي الدُّنْيَا الدَّنِيَّة
يَا غِيْرَةَ الله...أَنْتَ الْمُعَّزَى فِي اللَّيَالِي الْفَاطِمِيَّة
 
يا باب للرحمة وخفت لمن قلت كلمة باب...خافن تلجمك سيدي والذكره مليانه امصاب
دفعوها بس ربك ستر نور العرش صار احجاب...واعيون أشباه الزلم باجر يتانيها احساب
قَدْ أَغْضَبَ الله...مَنْ أَغْضَبَ الزَّهْرَاءَ فِي تِلْكَ الرزية
يَا غِيْرَةَ الله...أَنْتَ الْمُعَّزَى فِي اللَّيَالِي الْفَاطِمِيَّة

يا موقف أكثر عذبك من الجره اعليها وصار...من تسمع برض الضلع لو من نبت بيه مسمار
لو بيت جدك والعده يم عتبته شعلت نار...لو سطرة الخد لو أظن من طاح ابن الكرار
فَالحُزْنُ والله...أَجْرَى دَمًا تِلْكَ العُيُونُ الحيدرية
يَا غِيْرَةَ الله...أَنْتَ الْمُعَّزَى فِي اللَّيَالِي الْفَاطِمِيَّة

شيصير قلبك هالوكت من المواجع والآه...من صوتي يصرخ فاطمه صوتك يرد واويلاه
خطيت إلك عهد الدمع ثار الضلع ما أنساه...أترقبك تظهر لأن ضاق الصبر خلقي وياه
والأَمَرُّ لِله...حَتَّى أَوَانَ طَلْعَةِ الحَقُّ البهية
يَا غِيْرَةَ الله...أَنْتَ الْمُعَّزَى فِي اللَّيَالِي الْفَاطِمِيَّة

مولاي أندب كل وكت أسأل ردت عالمضمون...هل قذيت عينٌ قلت حته أبجي هالليله اعيون
شيب قلب حته الطفل هذا المصاب وميهون...حضرة سؤال الحضرتك مولاي جا انت اشلون
بِالدَّمْعِ والآه...عِشْتَ سِنِّيِّنَاً أَمْ جُرُوحًا مَهدَوية
يَا غِيْرَةَ الله...أَنْتَ الْمُعَّزَى فِي اللَّيَالِي الْفَاطِمِيَّة

يالمهدي أكتب لك عهد هم آني هم هاي الناس...وفايه لك طول العمر غيره وحمية ونوماس
خذنه الدرس من كربله وجان المدرس عباس...تظهر وثار أم الحسن يرجع وأزورك مقياس
وَكَيْفَ أَنْسَاه...والثَّأْرُ لِلأَحْرَارِ مِصداق الهَوِيَّة
يَا غِيْرَةَ الله...أَنْتَ الْمُعَّزَى فِي اللَّيَالِي الْفَاطِمِيَّة

الله اليعوض غيبتك ويجازي تعبك مولاي...ويعظم أجرك سيدي يا مهجتي ويا رجواي
تنصحني أكابر عالصبر بس البعد صار اهواي...أقسم عليك بفاطمه تقبلني خادم وفاي
لِلصَّبْرِ مَغْزَاه...وَ أَنْتَ لِلصَّبْرِ كَتَبتَ الأَبْجَدِيَّة
يَا غِيْرَةَ الله...أَنْتَ الْمُعَّزَى فِي اللَّيَالِي الْفَاطِمِيَّة