عـبدالله  يا ضي عيناي .... دمك جره ابدال  الماي لـو أدري دمعي يرويك .... للنبله ما جنت  أنطيك عـبدالله  يا ضي عيناي .... دمك جره ابدال  الماي حـزيـنـه  يـا بعد روحي إلك دمع الجفن  هملان حـزيـنـه و الـحزن وياي هم مثلي إلك  حزنان غـصـن  و اسقيتك ابدمعي أشوفك يا ترف ذبلان احسبت  كل حسبه ما ظنيت تموت ابكربله  عطشان لو أدري من إيدي اتروح .... ضميتك ابروح الروح و  أفتح دليلي و أخفيك .... للنبله ما جنت  أنطيك عــبــدالله  يــا ضــي  عــيــنـاي يـا  عـبـدالله انـقـطع نحرك تمنيت انقطع نحري مـثـل جـمـرة عطش قلبك ابدليلي يستعر جمري مـو  بـس آنـه يوليدي جره دمعي ابحجر  صبري حـتـه الـدمـع هـم اعليك يبجي دمعتي  تجري بـالطف  إلك يا مذبوح .... ناحت حمامات  الدوح لـو دمعي يقدر يسقيك .... للنبله ما جنت  أنطيك ابـوريـدك  نـفـذت النبله رمت قلبي ابنبال  الهم عـوض  مـا تـرتـوي بالماي ترويت ابنجيع  الدم اطـش  دمـعي ابسمه انجومك النجم منثور ما  يلتم يـا مـن حـتـه الألـم يـنبي عليك ابكربله اتألم و آنـه ابـغدير العبرات .... أخمد جحيم  الحسرات لو  أدري بالروح أفديك .... للنبله ما جنت  أنطيك اشـلـون  أشرب  نمير الماي تسجر بالعطش  جبدك يـعـبـدالله  بـعـد هـيهات اتهنه ابعذب  بعدك الـقـطع  نحرك يبعد أهلي اشيجاوب بالحشر  جدك رمـاك  و خـلـه من عقبك ينوحن أمك و  مهدك يوليدي  صابوا  قلبين .... قلب أمك و قلب  حسين لو أدري خصمك يرميك .... للنبله ما جنت  أنطيك أحـن و امـهـامل ادموعي يتسابق يبني ويه  إدماك يـمـحـزوز الـنـحـر وينك دهتني نايبة فرقاك يـريـت ابـقـبـرك أتوسد و أنام ابحفرتك  وياك و  لا مـتـخـضـب إقـبالي من دم الوريد ألقاك دمـك  عصر نجم الليل .... خلاها بدموعي  اتسيل لو  أدري حالك يرضيك .... للنبله ما جنت  أنطيك أصـد اعـلـه الـمـهد خالي و أهيم ابعالم أحزاني قـبـل  مـوتـك يـعـبدالله يريت الناعي  ينعاني حـرت  جـم  لوعه جم محنه دليلي إخلافك  ايعاني زمـانـي  الـصـوبـك يبني ابرمي إسهامه تولاني عـبـدالله  يبني اشمطلوب .... من وريدك  مخضوب لـو أدري موتك يلفيك .... للنبله ما جنت  أنطيك