يا زائر السجين
«سريع»
يهل إبغداد الكـاظم إشحالته...شلكم خبر ببن النبي إو مهجته
* * *
يهل إبغداد الگاصدينه إبحزن...إبيا حال موسى هالمسه بالسجن
إسمعنه إبحديد إمحدد إو ممتحن...وإمن الچبد يجذب جمر حسرته
* * *
شلكم خبر وإعلوم يالنازلين...برض إبغداد إهنا يهالمسلمين
عالجسر مريتو سمعتو ونين...موسى بن جعفر لو خفت ونته
* * *
بالسجن بعده إيلوج گلبه إو يون...لو بطل ونه إو غمض منه الجفن
هل حصل مشفج لعد حاله يحن...يبذل وجوده إيساعده إبشدته
* * *
بسك يناعي الدين تنعه إو تجود...إبدمعك إو من صـوتك عللنه تزود
إو فطرت من عدنه إبنداك الچبود...وأفجعت گلب المصطفه إو عترته
* * *
بسك يناعي الدين تنعه إبكـِدر...إبصوتك حنيت إضلوعنه والصدر
إشطايح بدينه خان بينه الدهر...إو عيَّن العينه إو صابه إبزانته
* * *
إو لو عن لسان الحـال گصدك عتب...صد للمدينه إو صيح يهل الرتب
عالذل يهاشم تصبرون إشسبب...وإجفونكم طيب الوسن قبلته
* * *
تهجعون والكاظم الزاچي العميد...كل يوم إله حـارس إو سجنٍ جديد
إبحكم الرشيد إمحددينه إبحديد...إو رجت سماوات السبع غصته
* * *
أللهُ أكبر وإبن شاهك سطر...وجه ألإمام إو عله إمصابه إنكسر
عامود خيمة دين سيد البشر...إو عزة العالم ذلت السكرته
* * *
