مرقد ألإمام الكاظم (عليه السلام)
« شيعتي»
يا طالب الحاجات دونك لا تظل حاير...يگظيهن إلمـا يعتذر من اليگصدونه
* * *
يالرماك الدهر سهمه إو عجز عن جرحك طبيبه
للحسين إگصد إو نادي يا حبيب ألله إو حبيبه
ذچره مفتاح الإجابه إو عطفه للداعي مجيبه
وإليگصده...يلجي عنده...اليـوده...واليضده
واليجحده...ينگطع منه نصيبه
والينحرم هاليوم من الكاظم إو جوده...يوم القيـامه من هوه الجنه يحرمونه
* * *
يالعليك العسر جاير والعسر چتال جوره
شد رحال الفرج وإگصد والد اليمه إو زوره
وإعتقد ما ترد إلّه إو عسرك إميسر إموره
جوده كـامل...فضله شامل...فرج عاجل...للمشاكل
نوره باهل...للمحب بهجة سروره
إعيـون التحبه إتشوف فضله چالشمس يزهر...وإعيون عدوانه عمت هالما يشوفونه
* * *
للحرم إدخل إو نادي سيدي تعلم إبحالي
لليعاديكم معادي إو لليواليكم موالي
وإغتنم حسن العواقب هاي دنيه إو ملها تالي
الدنيه خلها...إتـغر أهلها...إلبيها ولها...إو تركن إلها
وإنته حلها...والزم أرباب المعالي
لو تخسر إبهاليوم راحة أمل دنياها...إبدفتر نجاح ألآخره إسمك يسجلونه
* * *
يالعاليك الدنيه صرَّت والدهر جارت أيامه
إعتني الباب الحوايج زاير إبنية السلامه
إو خل حچي العذال خله إو عنه لتعيجك ملامه
إعـزم إوشد...بالجدم جد...بالك إتصد...عنه وإترد
إرشد إرشد...لا تفوتك هالكرامه
لو لامت الحسـاد بينه الحسد يغويها...إحنه الچسبنه الغانمهإو خلهم يلومونه
* * *
هذا ينبوع المعاني إو للوحي الصامت لسانه
هذا سر سبع المثاني للخلگ وضح بيانه
هذا للمطرود ملجأ هذا للخايف أمانه
هذا نافع...حصن مانع...ماهو ضايع...صيته شايع
علم رافع...هذا فاروق الديانه
هذا الصراط الواضح إبعالم ألإسلامي...إو للدين نظم منهجه إو تدوين قانـونه
* * *
هذا سر نوح إو دعوته إوسارت إبأمره السفينه
إوسر من أسراره الخليل الشرع للإسلام دينه
هذا سر موسى إو عصاته إو سيطرة آية يمينه
وبن مريـم...بي تغتم...إسم ألأعظم...هذا أكرم
كوكب إو تم...نوره من غرة نبينه
إقتبس من هالنور وإعلم يالتواليهم...إبهالنور گبرك ليلة الوحده يورونه
* * *
هذ تاسع نور لاح إبسمه الدين إو عز مقامه
إو ثامن أسرار النبوه إو سابع أرباب الإمامه
ماخذ إمن السبعه منهج وإنطه للخمسه نظامه
إشمـا تسلِّم...أمر سلم...وإشتعلم...علم علّم
إو لو تكلم...صدق الصادق كلامه
أربوطعش مصباح من نور القدس تزهر...من بطن مشكاة الحكم ضيهم يجذبونه
* * *
هذا البروضة محمد غرس حامي الجار عوده
إوجاذب إمن حسين فضله إو جاذب من الحسن جوده
إقتبس من التسعه نوره الساطع إبكوكب سعوده
وأخـذ شرعه...من التسعه...الكرم وضعه...الجود طبعه
نبت فرعه...وأثمر الخمسه وجوده
إشمـا تدرس المخلوگ بأحكام ألإلهيه...منشأ إو مبدأ هالدرس إلهم ينسبونه
* * *
(ملحق بالقصيدة) :
للحرم إدخل إو شوف الكاظم إبعين الذليل
إتصور إمصابه إو سجنه إو صيح وإدموعك تسيل
سجن يوسف مو مثل سجنك ولا گيده ثجيل
إو ما لطموه فوگ الوجن عدوانه...إو لا راواه مر الهظم سجانه
إو لا ياذيه إو كدّره إو لا هانه...وإنته سجانك السندي فرع شجره ظالمه
* * *
ما شفت سجان بالمسجون ما ين مفتصل
مثل سجانك السندي إشما يود بيك إيعمل
إمحرضيه أهل الضلاله لعد چتلك يا نفل
يا مظلوم وإبطرف سوطه يأذيك... كلسا نوع إمن العذاب إيراويك
وإنته إتلوج ما ينكسر گلبه إعليك...إو مرد لب إحشاك سمه والدليلك آلمه
* * *
الناس تسمع سجن لا چن ما دروك إبيا سجن
إبحفره حدر ألأرض ما ينسمع ونك من تون
وحش مظلم عسر سجنك وإبحديدك ممتحن
حسره إعليك شم الهوه يا مظلوم...الشم الريح روحك تفرفر وإتحوم
إو مچفي إتطيح عالوجه لو ردت إتگوم...إو بالحديد إنجرح ساگك سيدي إوسال الدمه
* * *
آه من سجنك إودم المن جرح ساگك شطر
آه من ضربة السندي الخلت إبوجهك أثر
آه من سم الرشيد المضه إبگلبك وإنفطر
تنـدب وين شيعتي إو ميسمعونك...والسجان ثگل حديد إمتونك
كلسا لون چان إيتغير لونك...إتعالج إبروحك إو سمك بيك ناره مضرمه
* * *
كل غريب اليگضي بالسم وإبسجن يصبح فجيد
لا بد أتصح له حموله إو تحل من رجله الحديد
وإنته يا أشرف الوادم شيعت نعشك عبيد
يا مسموم ليش إبحديدك شالوك...إو بين الناس عالجسر عمدا خلوك
وإينادون دونـك إو باطل نسبوك...ظاهر التشييع هذا وباطنه أملاك السمه
* * *
والطبيب إمن النصاره من حضر جسمك طريح
إو كشفوله إغطاك عنك صاح وإدموعه تسيح
هالغريب إنچتل بالسم إي وحگ دين المسيح
يا من سال دمع النصاره الحالك...ليش إعليك ما حن گلب چتالك
يا مسموم بالسم مرد دلالك...ريت سم المرد چبدك مرد چبدي إو جسِّمه
* * *
