جف الحقد لمن وصل ثغر حسين ........وينك يعباس
صوت العقيله وهذا صوت الجفين ........وينك يعباس
هاك استمع صوت الثغر .....كل العجب راسك صبر
ويـــنـــك يـــعـــبـــاس
ويـنـك يـسـبـع الكَنطره ...للخوه انته المقياس
ظـل الـعـلـم يـم النهر ...والغيره ظلت والراس
يـضـرب ثـنـايه ابن النبي ...وتشوفه وانت العباس
صح انته راس اعله الرمح .....لاسيف لاجف اليصح
بـس غـيـرتـك ويـه الـجـرح
لـو صـاحـت يـصـيـح القدر ...وينك يعباس
ظـالـم يـصـيـح ام الخدر ..يم راس اخوها بغابه
ويـن اخـوتـج يـبـنت علي ...خل تحضر الحمايه
وعـيـون ابـو الـيمه بزعل ...صدن الراعي الرايه
عـبـاس اخـتنا بيا وضع .....تبجي ويعاتبنه الدمع
احـاه ابـجـف الـمـنـقـطـع
اسـمـع يـنـادي اعـلـى الـنهر ..يونك يعباس
بـعـد يـجـفـال الـحـرم ..غير الحزن ما عدهه
لاكـن شـجـاعـة حيدره ..بكل موقف اتجسدهه
صـرخـه وتـظـل طـول الدهر ..كل ثأئر يرددهه
لاكـن اشـد من اليسر .....وكفتهه بين اهل الغدر
تــمــيــل ويــتـجـبـهـه الـصـبـر
وكـل دمـعـه تـرجـمـهه الدهر ...وينك يعباس
فـزت يـتـيـمـه مـن الحلم ..ما تنوصف حالتهه
مـن جـابـو الـراس بـطـشت ..وتلكته بدمعتهه
نـامـت لـى الـراس وبـعـد ..مـا تنسمع ونتهه
هـالـطفله ماعادت تون .....لا حسره لادمعه بجفن
لـمـن اجـتـهـه ام الـحـزن
شـافـتـهـه مـيـتـه عله النحر ..وينك يعباس
يـابـه الـفـضـل طبع الحرم ..بس للكفيل اتنادي
طـفـل عـلـى الراس انتهت ..طفله انتهت بالوادي
والـحـادي بـضـريهه يحتفـ ..جتال ابوهه الحادي
ظـالـم ولاهـه بلا رحم .....تمشي وتطيح من الالم
كــل نــظــره يــاراعــي الــعـلـم
احـظـر تـصـيـح مـن الـخطر ...وينك يعباس
عـيـنـي اعـى عينك باليسر ..وعين الحسين لعينك
نـظـره تـمـنـي الـرايـتك ..يابه الفضل بيمينك
يـالـنـظرتك موت الخصم ..عن هل المصايب وينك
يـالـركـبـتني بمحملي .....مهظومه يا ضنوة علي
ويــنــك تــرجــعــنــي لـهـلـي
مـن غـيـبـتـك ظـهري انكسر ...وينك يعباي |
