انـه  زيـنـب وانـتـه راعـي الرايه ..... من السبي يابه الفضل  شجايه مــن  الــســبــي يــابــه الــفــضـل  شـجـايـه عـالقبر خويه ارد اصب سيل الدموع ..... بين ابوي ونار تحرق  بالضلوع هـذا  راسـك جـبـتـه وايتامك تلوع ..... انهض لزينب يحماي  الثايه اشـكـي  يـعـبـاي نـكيات الزمان ..... ياربيع الخوه يا فيض  الحنان انـسـبـي ويـاي راسـك عالسنان ..... ميسره وكل يوم اطوف ولايه يـا  كـفـيلي  بهزتك وظلك اجيت ..... شلون للسام بيسر تالي  مشيت خـاف مـا تـدري يـعـبـاس انـسبيت ..... جيت اخبر للكََبر  عنايه خويه تعذرني ولوي قاسي العتاب ..... بس تراه اختك شافت الوان العذاب جـفـنـي  مـا غمض ابد من المصاب ..... من انهدم ركني على المسنايه مـن انـهـدم ركني بمصابك يالجفيل ..... لني وحدي امحيره و بس العليل مـنـيـن مـا اعـد لهه ابو الفضل تميل ..... والضعن صار الشمر حدايه يـحـدي بـي وانـتـخيك بلوعتي ..... وتمسع العدوان هضمي ونخوتي خـويـه واتـجـاوبـنـي بسب اخوتي ..... وبين حاطت شامتين اهوايه خـويـه ويه الروس عندي ذكريات ..... زيانه طول الدرب ظلن ماشيات وانـا كـل راس اشـوفـه عـلى القناة ..... بمصرعه عندي علم ودرايه انـظـر لـفتية عقيل عله النصول ..... شاخصات الروس والمشهد  مهول واذكـر اجـسـاد الـي رضتهه الخيول ..... بلا دفن فوق الثره مسجايه وراس جـسـام مـن اشوفه عله الرمح ..... يابوفاضل ينزف بقلبي الجرح لـيـش بـثـيـاب الـزفـاف وينذبح ..... والجفوف من الدمعه  محنايه وانـظـر  الـراس الـرضيع وركَبته ..... والله اشوف الموت والله  بنظرته بـيـن  ايـديـن حـسن نبله الفطمته ..... ضتمي جود ماسكه من  مايه انـظـر  الـراس الاخو روح البتول ..... حسين واهنا نظرني حتما  تطول راسـه  مـن  راس الرمح تدري شيقول ..... من الكهف يقره ويرتل  اياته مـو  وكـت نومه يضيغم بالطفوف ..... جثه مسلوبه انقطع منها الجفوف وانـظـر الـراسـك يـعباس وشأشوف ..... عينك بسهم العده  مطفايه