سجل إبجبهة اللـوح القلم...يهل الهمم
وثوب الشهاده إعله مسلم حله
* * *
يا بني هاشم يروس العرب...وتـوج الفخر
والفراستكم مثلها إنضرب...تفني الدهر
بهاشمي لو نبط عرگ الغضب...عم الخطر
ما عليكم خبـر مسلم جدم...يهل الهمم
مسلم إبديرة الكوفه إنوله
* * *
يا بني هاشم إبطعن السمر...إلكم بخت
وإلكم إبيض الهنادي أمر...ماضي ومضت
وإلكم إترصعت توج النصر...وإلكم حلت
ما عله مسلم تزمكم شيم...يهل الهمم
دم المضيَّع تطلبه هله
* * *
يا بني هاشم يجيس العتب...سهمه ويصل
إو صوت المحشم صداه النسب...بي يتصل
مسلم يحشم وشنهو السبب...ما هب نفل
منكم ويسبگ إهبوب النسم...يهل الهمم
إو صوته إعله صوت المحشّم عله
* * *
يا بني هاشم لون الگدر...حط الحجب
وما لفاكم من الكوفه خبر...إو ظل محتجب
هاكم إخذو الجره وإللي سدر...من هالندب
درنگ الكـوفه إعله مسلم هجم...يهل الهمم
ومسلم الگلب الحرب زلزله
* * *
يابني هاشم المسلم سعد...شع مبسمه
إبساعده وصـارمه ذب الجهد...للمكرمه
وخلّد الهاشم ذچر منوجد...للغانمه
ومسلم إبعونة الباري إحتزم...يهل الهمم
وإرتده إبمرجلة عقد الوله
* * *
يا بني هاشم شبلكم بره...منكم علل
والكسر خاطركم وكدّره...سهم الأجل
وجمرة إمصـابه بگت مسعره...إبگلب ألأمل
وثغر الشهـاده إبحياته إبتسم...يهل الهمم
وزانت إبجنة الخلد منزله
* * *
دسمع يسمع الهواشم علم...سهمه مضه
إو سجل إبدم الشهاده إسم...مسلم حظه
والحزن خل عله هاشم يلم...وسع الفضه
ومسلم إتهنـه إبلذيذ النعم...يهل الهمم
وأول شهيد إبعهد كربله
* * *
لاچن يهاشم إلما ينحمل...وأصعب امر
من رمو مسلم إخلاف الچتل...من الگصر
وسحبت مسلم إشلون بحبل...إيد الغدر
هـاي العليها الضمير إنهضم...يهل الهمم
وظلت إعيون الشرف هامله
* * *