حبيب بن مظاهر ألأسدي
«ميمر مذيل»
عنوانه عنوانه...هـاك إخذ عنوانه
من زم إبن ظاهر علم...هاك إخذ عنوانه
* * *
كبر حبيب إو صيحته بالكونين...يرهب صداها
والدين يهل الدين بوجود حسين...شمس إو ضحاها
والسيف لأهل السيف مصدر تبيين...ينشر قضاها
سلطانه سلطانه...والسيف سلطانه
متعلگ إبروح الهمم...هاك إخذ عنوانه
* * *
صفّت سبايه السُبَّگ إو كبّر ويد...لهل الديانه
واليوم يوم الصارم إو روس الميد...صهوة لوانه
آمر يبن ظاهر إو گلبك شيريد...نفعل ترانه
تلگانه تلگانه...عالوعد تلگانه
جـدامك إبيوم الصدم...هاك إخذ عنوانه
* * *
إو صكّو ألأنصـار إبحريب إو تهليل...عاليطلبوها
إو لن ألهواشم صاحو الخيل الخيل...وإتخيّلوها
وإسيوفهم مطرت حجر من سجيل...من جردوها
إيمانه إيمانه...إو عباس إيمانه
ما يحصي معناه القلم...هاك إخذ عنوانه
* * *
صد الحبيب إو صاح عينة عدنان...إشعدكـم مظنه
إو ناداه إبن ظاهر هجرنه ألأوطان...وإديار أهلنه
خدامكم وإنريد وجه الميدان...لو تسمح إلنه
وأعيانه وأعيانه...هالبيت وأعيانه
متخيّب آمال الحكم...هاك إخذ عنوانه
* * *
ناداه أبو فاضل نعم هذا الثوب...لبس الهواشم
ولو أخذو العوّانه وجه المطلوب...تنگد الوادم
إو نكـثر علينه أللايمه والمعتوب...من العوالم
ويانه ويانه...للحُكم ويانه
ما غير الحسين الحكم...هاك إخذ عنوانه
* * *
كدّو فرد كدّه إو لواء الإسلام...رف إبمكدهم
وگفة إگبال حسين وگفة ضرغـام...إو طلبو وعدهم
إو ناداه إبن ظاهر يسر ألأحكام...هاشم قصدهم
عوانه عوانه...تسبگ العـوانه
إوما يجدم إعليهم جدم...هاك إخذ عنوانه
* * *
إو صد أبو السجاد العضيده إو نـاداه...إنته المبارك
إشرك حبيب إوياك وإنعم عيناه...وإكرم أنصارك
إبيمناك رايه إو رايه خلها إبيمناه...وإخذ إنتصارك
سكانه سكانه...والحـرب سكانه
ينـدار بعهود الذمم...هاك إخذ عنوانه
* * *
