حصل حبيب الغايه...ومن الحسين الرايه
وحسين سجل يـومه...وأخذت الكون إعلومه
وإمن الحسين الرايه
* * *
من الحسين إتسلم...رايه إو وصل مگصوده...والتضحيه إبمگصوده
بإسم القياده إتقدم...قائد خطب بجنوده...والسند عزم إجنوده
إتغنم حبيب إتغنم...والغانمـات إشهوده...والطالعه مشهوده
صاح الوعد بالجنه...والموت لا بد منه
حل العهد مرسومه...وأخذت الكون إعلومه
وإمن الحسين الرايه
* * *
شوف النصيب الظافر...شيوصله الراعيه...اليا مرتبه إو يا مسند
إوشوف الحليب الطـاهر...والرضع من صافيّه...إو عن الضلاله إتبعد
والنعم ضنوة ظـاهر...ما ينّكر ماضيّه...تاريخ بالطف خلد
وإتسيف إبوجـدانه...وإتدرع إبإيمانه
إو صاح الجهاد إبگومه...وأخذت الكون إعلومه
وإمن الحسين الرايه
* * *
زم رايته المنصوره...والنصر منها إو بيها...وإنسجله إبديوانه
من ألأزل مذخـوره...إو تتسلم الراعيها...إبطف كربله إو ميدانه
إتسلمها وإبكل صوره...عززها وإعتز بيها...وإنتشرت إبعنوانه
ضامر حبيب إستبشر...وإبضوه الرايه إتبصّر
والساعده مقسومه...وأخذت الكون إعلومه
وإمن الحسين الرايه
* * *
رايـه إو يگولون الناس...حسين إلحبيب إنطاها...ينشرها بالحربيه
ما درو رايـة نبراس...بألآخره إو دنياها...تنشر حكم قدسيه
إو صاحب الفطنه إو إحساس...يتبصّر إبمعناها...إو يمشي إبخطب دينيه
إتعرّف حبيب إبسرها...والصحبته إيسيرها
عالخطة المرسومه...وأخذت الكون إعلومه
وإمن الحسين الرايه
* * *
هالرايه من قسمتها...ساعد حبيب إيزمها...إبثورة حسين الخالد
وإتعينت صفوتـها...للصفوه من يجدمها...يحمل وسام القائد
إو يوم الحلت ساعتها...وين إخوتـي حشمها...شدو العزم والساعد
فرضت علينه الذمـه...يشتري الدين إبدمه
إو رمز الحياة إدمومه وأخذت الكون إعلومه
وإمن الحسين الرايه
* * *
مؤتمر ديني إتعمّر...والمستشار الهمه...وإعله الظفر ترشدهم
إو فجر الشهاده...جهجر بشر البيه مهتمه...والغانمه إتساندهم
وأمر الرمـاح المصدر...والسيف يگطر سمه...إينشدونه وإيناشدهم
صاحو يالتناشدنه...يالوالفت ساعدنه
إوياك الوعد بالحومه...وأخذت الكون إعلومه
وإمن الحسين الرايه
* * *
طفّو سنان اليلهب...وإسيوفهم لهّابه...وأرواحهم مرهونه
بحدود خيمة زينب...صفّو الكون إحسابه...وإختارو اليردونه
شافو الموت إتحجب...غرّگو الموت إحجابه...إو لحسين يتفادونه
وإتسابقـو عالنيبه...شوف الوفه إو ترتيبه
وإللَزمه والملزومـه...وأخذت الكون إعلومه
وإمن الحسين الرايه
* * *