مشّاي على وعدك...صلّيت لو بعدك
لحسين شنو ردك...أجب
*****
قاصد عله حسين بدمع زكيها العيون
لا تنظر ابنظرة بشر بالغير مفتون
لو أذّن آذان اعتني ويه اليصلون
عنك حسيني ملتزم خلهم يقولون
آداب تدريها...وصاك علي بيها
خليك على عهدك...أجب
*****
حسين يريدك من تزوره يشوف بوجهك مصيبة
تجري دموعك لجل الجثة الظلت بالطف سليبة
عوف الغيبة و سامح و اعفي و نفسك عنك رقيبة
سفرة لربك هاي السفرة مو بس قاصد حبيبه
تحتاط من كلشي...وياك نبي يمشي
لحسين مو وحدك...أجب
*****
انظر عليهن للمشن خواتك
و امك وياهن بالمشي و بناتك
و الزهره تمشي و تندعي لنجاتك
زينب عليَّ تصيحلك جزاتك
لحسين خطواتك...غفران زلاتك
إن كان هو قصدك...أجب
*****
بالمروة تمشي و الصفا بين الامامين
بالكعبة طايف لو طفت عباس و حسين
حته الهوه أحرم يحج يم أعظم اثنين
لو زعلتهم يا تره غفرانك امنين
لا تعوف قرأنك...و تطيع شيطانك
و يضيع كل مجدك...أجب
*****
كل خطواتك خطوة بخطوة حسين يردلك فضلها
من تمشيله يرد يمشيلك يوم المحشر مثلها
حسين الصورة الما يرسمها دمعه يضيع شكلها
قربان الطف و اسماعيله و بيته الجامع شملها
لحسين دمعاتك...ترتيل آياتك
لو ماي على خدك...أجب
*****
يالتمشي لجل حسين اخذ صفاته
رغم الحرب بس ما ترك صلاته
اخذ الحياتك عبرة من حياته
و انسه الهوه و لا تنسى ذكرياته
من مات من أجلك...مفروض يوصلك
شنو راد من عندك...أجب
