زين الشباب علي ألأكبرعليه السلام
«الصدر دارمي + إهجيني»
كوكب صبـاح الدين...گرة إعيون حسين
شمعة شباب ألأكبر
* * *
شع وجه الأكبر نور...مثـّل محمد نوره
ومثل علي بالسيف...وإبرايته المنصوره
من حيدر الدستور...وإبنه مشه إبدستوره
مثل حرب صفين...گرة إعيون حسين
شمعة شباب ألأكبر
* * *
ومن الحسن بالجـود...مثل صفاته إو جوده
ومثل جهاد حسين...يوم البذل مجهوده
ومثل وفه العباس...بالوفه إو حامه إحدوده
وتفرس الميتين...گرة إعيون حسين
شمعة شباب ألأكبر
* * *
وتفرس الفرسان...من شـد عله الملزومه
ومثل بني عدنان...بالصارم وبالحومه
والشرف يالجثمان...زم طيبات إعلومه
خفگ عله الكونين...گرة إعيون حسين
شمعة شباب ألأكبر
* * *
وإعله المهر من لاح ماس وتچنه الزينب
يا عمه عد عيناچ ريح المگدر لو هب
إو لعّب شعور الكون يوم النزل للملعب
وصاح المفر لاوين گرة إعيون حسين
شمعة شباب ألأكبر
* * *
هيف إو رهيف العود...فرط الجمال إمبسل
ورد الملاحه إيلوح...من وجنته التتبهلل
وإمرتب إو مرتوب...بالغانمات إمجمّل
من ساعة التكوين...گرة إعيون حسين
شمعة شباب ألأكبر
* * *
جايز عرف بالكون...ممشه المـرح حي فاله
ومتغطرس ومرتاح...من شد عله الخياله
نثر إجعوده إو ماس...نثر الشعر يحلاله
چلچلن عالمتنين...گرة إعيون حسين
شمعة شباب ألأكبر
* * *
إبهمه إو عزم وأخلاق...كوكب صفاته إتشعشع
وتجمّلت ألآفاق...من طلعته التتلامع
إبروح إو گلب مشتاق...عانق إتراب المصرع
وبعزة الدارين...گرة إعيون حسين
شمعة شباب ألأكبر
* * *
