لـيـث  الـمـعارك عباس هاك إستمع  عنوانه هـز  رايـتـه  و شال السيف و اتوجه الميدانه هـالشبل  من  داحي الباب يملك شجاعة حيدر ثـغـره  ابتسم للميدان و امعبس اعله  العسكر صـل  و  انـحـدر عالفرسان سيفه جمر  يتناثر مـا هـمـتـه اجيوش القوم ما همته اشما  تكثر شـال  الـحرب  بالعسال و ابزوده ذل الحومه لـلـهـمه  ظهرت أوصاف و ابجبتهه  مرسومه رجـف  اكلوب الشجعان ليث انعرف من  يومه وارث اعـلـوم الـكـرار هاك استمع  لعلومه مـا يـخـطي رمحه و هيهات لو نيشن ابنيشانه سـبـعـيـن ألف بالميدان ابسيفه القمر  لاقاها مـا  تـدري تطلع لاوين خوف ورعب  خلاها ابـرمـحـه شعل نار الكون و ابصارمه صفاها خـرس  لـسـنها امن الخوف و ابهمته  صفاها مـن  تـلـتـهب  نار السيف ما تنخمد نيرانه تـتـراجـف اكلوب الجيش من رايته المنشوره اتـنـكـسـت كل الرايات من همته  المنصوره يـنـبـع  شـجاعه و إيمان ايمثل الحيدر  دوره قـلّـب الخيل اعله الخيل و قاع الحرب  مجموره صـاحـت  كفو يا نعمين من هيبته و من  شانه عـن  الـنهر  كف الجيش و ابجفه حامل جوده كـل مـقصده الماي الماي و اعليه بذل  مجهوده ابـسـيف العزم و الإقدام احتل الفرات  ابزوده ما  شرب من جاري الماي و انته اتعرف مقصوده مـقـصوده و اعله الأيتام وسط الخيم  عطشانه إسـمـع اشـقال العباس حيث ابعهوده  وفاي يـا  نـفس من بعد حسين هوني و لتروين  الماي راح  أطـلع ابهذا الجود للخيم قصدي و  منواي اتـوجـه  لـلـعيال و راح ما غيره إلهم  حماي لاجـن اصـواب الـعامود صابه و هدم  بنيانه يـم الـشـريـعه العباس و العسكر  امطوكينه بـالـسـهـم  مصيوبه العين و اتقطعت جفينه يـا وسـفـه حـان الـمحتوم بين لعيال و بينه و  ظـلـت فـواطـم و أيتام بالخيم  منتظرينه لـن  يـسـتمع هذا الصوت خان الدهر  ويانه