محله الشباب إو محله مصبـاحه...للگلب مفتاحه
من شجرة الزيتون قداحه...للگلب مفتاحه
* * *
محله الشباب إلما يعز دمه...والكون ميهمه
وحمل الوغـه إبيوم الوغه إيزمه...ويطشه ويلمه
جاسم شباب الحسن بالهمه...ويزهي إبخيم عمه
وزينب تنادي لمن تشوفه...يا محله هالشوفه
ورمله إبوجود الولد مرتاحه...للگلب مفتاحه
* * *
حجر الحرايب للحرب رباه...ويريد حگ إرباه
وسيف الأمير إمجرد إبيمناه...ويخطف أرواح إعـداه
ونور الحسم يتبهلل إبمعناه...جسام يا محلاه
مرتوب ومرتب إبكل صوره...وإمبسل إبنوره
إبمشكاة نوره إينور مصباحه...للگلب مفتاحه
* * *
بالسيف جاسم گر لبوه إعيون...وخلد شرف بالكون
چنه علي والمهر چالميمون...ينحدر چالطاعون
ما ينّحر ملگا صعب بالكون...والصعب عنده إيهون
يتبختر إو يتغطرس إبزوده...مغروسه بوجوده
همة شباب العزم طفّاحه...للگلب مفتاحه
* * *
جسام يتشعشع إبإيمانه...قنديل ودانه
سبحان من صوره سبحانه...والجمّله إو زانه
جسام يتبهلل إبرهانه...بالكون عنوانه
لو كشف عن وجهـه الستار ولاح...من عارضه المصباح
شمس المعالي إبنوره وضاحه...للگلب مفتاحه
* * *
جسام متربي إبحجر معصوم...وإعله الربه مرسوم
ويه المچارم لازم إو ملزوم...ما برح عنهن دوم
هذا الحسب وأنسابـه طيبه إعلوم...ما تركن إعله إللوم
جسام من در الثدي إمعرب...عالغانمه إمدرب
ومن المعرب سهمك الراحه...للگلب مفتاحه
* * *
جسام إله إبعز النفس حالات لهل الشرف آيات
وآية وجوده إبساعة الشدات لهل الوفه مرآة
جسام منعوت إبسليم الـذات متجرد الغايات
والذات لو طابت مراضعها للطيب مرجعها
وبعبقرية الطيب نفاحه للگلب مفتاحه
* * *
جسام برياض الكرم والجود أنمه ونشأله عود
وألأصل من الجود بالموجود بالغانمات إيجود
جسام فعلـه إمصيّت إو محمود وشما تگول إيزود
چفه السحابه إو ريعها إوجوده وتسامت إبزوده
ليلو إبصدف نيسان نضاحه للگلب مفتاحه
* * *