في زفاف القاسم عليه السلام
(يمه ذكريني من تمر زفـة شباب...من العرس محرم حنتي دم المصاب)
شمعة شبابي من يطفوها
حنتي دمي والچفن ذاري التراب...يمه ذكريني من تمر زفة شباب
* * *
من ثدي النيبه راضع إبصافي الحليب...وإبهالشهاده صار إلي قسمه إو نصيب
حوفتي إبدمي خل يفرشوها
حنتي دمي والچفن ذاري التراب...يمه ذكريني من تمر زفة شباب
* * *
يوم المبارك أصبح إلديني شهيد...وأفزع إلعمي من يظل بالطف وحيد
إو رمله بمصابي خل يواسوها
حنتي دمي والچفن ذاري التراب...يمه ذكريني من تمر زفة شباب
* * *
وأهلي وصوني بالوفه يوم الطفوف...من دم وريدي يصبح إخضاب الچفوف
هذي وصيتي يالتسمعوها
حنتي دمي والچفن ذاري التراب...يمه ذكريني من تمر زفة شباب
* * *
دهري يتمني وإلتزم عمي إبرباي...إوما أعز عنه مهجتي إو روحي إو دماي
إو رمله إبمصابي خل يفجعوها
حنتي دمي والچفن ذاري التراب...يمه ذكريني من تمر زفة شباب
* * *
والوفه شانه ينعدم بيه الوجود...وآنه وجداني يغتنم جنة الخلود
إو نيتي إبديوان جدي إكتبوها
حنتي دمي والچفن ذاري التراب...يمه ذكريني من تمر زفة شباب
* * *
حنتك
(حنّتك حنّتك...هـاك إخذ حنتك)
يالمجبل إعله الجنه...وآنه إبدماك أتحنه
هاك إخذ حنتك
* * *
