يحسين الجليل ابقدرته اختارك و غلطان اليظنك تنطفي أنوارك
نورك يشبه النور العرش وصفه لو تنطفي الدنيه يظل ما يطفه
بس المحب شخصك سيدي ايعرفه و يعرف موقعك يحسين و أسرارك
هذا الفرق ما بينك و بين ايزيد مثل فرق السمه للكَاع فرق ابعيد
هوه ايريد دنيه و آخره انته اتريد آثاره انمحت و البقت آثارك
كَالوا مثل موسه ابطلعتك طبعك و تترقب او خايف أحد ايتبعك
وانته الناس كلها جانت اتسمعك صحت ابصوت ثاير ثابت إصرارك
دار الأسستها من دمه نحرك معموره ابجهادك سيدي و نصرك
وين العاندت و استصغرت قدرك ووين أخبارها و خل تسمع أخبارك
وينه الحاقد المتوكل المغرور القص اجفوف من يتعنه ليك ايزور
داره أضحت خراب و دارك المعمور صوره اتشيد من أجساد انصارك
و من عادت الدنيه سيدي يومين وينه الحاربك و الوقف ضدك وين
ووينه الكَال انته حسين و آنه حسين و خل يقعد ابعينه ايشوف زوارك
نقسم يبو اليمه ابعزة المعبود نبجي اعليك و انفصل اثياب السود
لمن من غيابه يرجع الموعود يقصد كربله و يطالب بثارك
***
