زينب اتصيح اتصيح...والدمع هـالي
للخيم رد المهر...اوسابح ابدم حسين
والدمع هالي
* * *
شاطت الحره ابگلب منچسر مهظوم...تندب إخوتها
ولْها متشوف الدرب بس تگع وتگوم...من مصيبتها
والدمع من دم يشب إو من چبد مالوم...علـت صيحتها
الله الله الله...وشجره إبحـالي
عين اصوابه الدهر...وخيم اعلينه الخطر
يا شهيد الكونين...والدمع هالي
* * *
حدر كابوس الصبر والحريم اتلوب...منگطـع بيها
إبعين تتجادح جمر شابحه اعله ادروب...مَرد واليها
ساعة لن رد المهر والسرج مگلوب...مجبل عليها
تجر بعنانك ليش...والسرج خالي
وين خيالك وگع...وين گلب اخته انگطع
وطيحته صـارت وين...والدمع هالي
***
اتهمهم ابعلم الكدر اومندهش حالك...ما تحاچيني
اوما توضحلي الخبر تصهل اشمالك...ليش سابيني
اظن بحدود الخطر طاح خيالك...ما تدليني
يالمهر بالله اويـاي...نفگد الوالي
خل نـروح المصرعه...وخل نمر بالمشرعه
وننشد اعله الچفين...والدمع هالي
* * *
يلمهر گلبي انسلب لمن إتعلاك...والد إسكينه
واطلعت من الطنب اطلعت روحي وياك...ترعه والينه
چيف وابن أُمي عُگـَب واحنه نترجاك...بي ترد لينه
والمرد لب احشاك...مـرد دلالي
ضيعتني اوضيعت...اومثل عيني ما شفت
ضيعت اصبيها العين...والدمع هالي
* * *
همهم اودمعه جره وابصهيله التفصيل...واضحه اعلومه
اضلوع اخوچ امكسره اوكسرتها الخيل...يها لمهضومه
وظل على وجه الثره والجروح اتسيل...او فاضت ادمـومه
إبگصِّتي جبت اوياي...من دمه الغالي
هاچ بيه اتخضبي...اوبالمصيبة اتصوبي
روحي ليه إشتتنين...والدمع هالي
***
من على التل انزلت تجذب الحسره...من ثگل همها
اوبالمعاره شاهدت جثث عالغبره...امعفرة ابدمها
حسين يبن امي اصرفت يعز عالزهره...اضلوعك اتلمها
ايفصلونك تفصيل...موعلى بالي
حرت من جسمك شلم...هالله هالله ابها الجسم
اشرضرضو شمگطعين...والدمع هالي
* * *
اتوجهت للمشرعه اتصيح ياعباس...ياضـوه اعيوني
تظل جثه امگطعه اومنفضخلك راس...وآنه يسبوني
وانه روحي امودعه ابروحك اولا باس...من يچتلوني
والسهم والعامـود...گطع آمالي
ساعـة ويصير النهب...اونار بخيامك تشب
واحنه ساعـه او ماشين...والدمع هالي
* * *