عايش بخيمة رحمتك...الله وفقني الخدمتك
ابقد دمع زينب أشكرك يا حبيبي
شكر مملوح بدمعتي الحضرتك تقديمه...ارزقت قلبي محرم وفقيته ايقيمه
سنبلة احنيت إلك راسي ارفعته فوق الغيمه...أغله شي قلبي بمصابك احرقته مثل الخيمه
اشقد أحبك تدري بيه...أغله من روحي عليه
ابقد دمع زينب أشكرك يا حبيبي
اشقد حلو طعم المجالس زينبي حسيته...سيدي منون منك مجلسك طبيته
صار بيت الحب عزائك لليفارق بيته...العافية في لطم صدره للفقد عافيته
ايحبني الله في سبيلك...تارس الدنيه قليلك
ابقد دمع زينب أشكرك يا حبيبي
تمطر ابخيرك عليه اشما أمد جفيني...الدنيه كلها ازغيره عندي وانت تارس عيني
عشت خمسين بحياتي وانت ما ناسيني...اشلون أرد دين العليه بخدمتك دليني
براسي حزنك شيبه شيبه...دونك اعيوني غريبه
ابقد دمع زينب أشكرك يا حبيبي
الناس بأسمك تحترمني امقدر بتقديرك...دمعتي يوسف حياتي أمّنتها ابييرك
جفي يا باب الله صدق ما أمدها الغيرك...ما شعرت ابضيق إلا شبعتنّي ابخيرك
والله ما ناسي اشنسيتك...وانت البلروحي لقيتك
ابقد دمع زينب أشكرك يا حبيبي
قل أعوذ لو نسيتك ابعيد من نسياني...حسين انت تبقه انت و آني لا مو آني
من أموت اكتب عليه هذا من غلماني...غير هاي ابهاي أشعر الله كلشي انطاني
انت تتلقاني أشوفك...ابلا نحر فاتح جفوفك
ابقد دمع زينب أشكرك يا حبيبي
بالجنان أنظر طفوفك تنرسم قدامك...اهنا التلة الزينبية اهنا أشوف اخيامك
الجنة مثل الغاضرية اتغيرت بالآمك...انت يمي بس أشوفك امكسرات اعظامك
لو قلت إقره عزية...إلمن اتقلي الرقية
ابقد دمع زينب أشكرك يا حبيبي
