عن لسان حال إحدى الهاشميات ترثي ولدها
إصبي العين من عيني تلولح...وعله إصبيه سواد العين مولح
وبحر بجفون عيني الدمع يطفح...مسيله من الگلب والجفن يسفح
عله إبني الچان بيه الگلب يفـرح...لبس ثوب الشهاده وبيه توشح
أسد والغاب ميعاده تروّح...عله إتراب اللحد خده تصفّح
وأنه إبگلبي جمر فرگاه يجدح...إنگطع چبدي إبسهم فغگده وتجرح
* * *
أسمى معاني الوفاء
صاحت إبعبره ألأسديه...يصعب يبن عمي عليه
أرد الهلي والفاطميه...تنسلب برض الغاضريه
أنا ما أعوف زينب للمنيه...خل أنسبي وأمشي هديه
إرشد عسن راشد النيه...وأنخاك والنخوه إعربيه
أريدك تكد بأول سريه...وتتغسل إبدم الحميه
وتتچفن إبذاري الوطيه...ولو طحت برض الطف رميه
تقسم الذروه العليه...وتچسب رضا الباري إو نبيه
* * *