زينب...ألله يعينك يا گلب زينب
تحمل إمصاب إخوتها...من كربله وذبحتها
زينب...ألله يعينك يا گلب زينب
* * *
يالتناشدني إعله زينب چم جرح صار إبگلبها
إجروح كثره وإبدماهه إمخضبه إشلون إلسحبها
تشد وإتضمد تداوي إجروح إبرضوان ربها
منجسم ليث الهاشمي...إو لن سهم من بعد الرمي
صك عينه من العلگمي...إو بعد متوچد دربها
ركز...بعيون زينب هالسهم ركز
جمره وسلك شحمتها...من كربله إو ذبحتها
زينب...ألله يعينك ياگلب زينب
* * *
عن لسان الحال أناشد زينب إمودعة حيدر
إشلون إلچ عين وتشوف حسين عالغبره إيتكور
إو تلعب الخيل إعله صدره وإبحوافرها إيتكسر
شيصبرچ يمخـدره...والشمر شفتي إبخنجره
لحسبن يگطع منحره...دمعچ ودمه إيتفجر
إعيونچ...وإمصاب أخوچ الفجر إعيونچ
دم ودمـع عبرتها...من كربله إو ذبحتها
زينب...ألله يعينك ياگلب زينب
* * *
يالمحب وياي ناشد زينب وحن وتحسر
إشلون للصيوان طبت ضمدت طبرات ألأكبر
زينب إتگلك يخويه شاهدت جسمه إموذر
إجروح إبدماه إمخذمه...محترگ دمه إمن الظمه
وإجروحه تتفايض دمه...من مفاصل جسمه أكثر
تسعر...نيران ألأكبر بالگلب تسعر
ما تنطفي جمرتها...من كربله إو ذبحتها
زينب...ألله يعينك ياگلب زينب
* * *