نعي
«نصاري»
عتاب الحوراء زينب لإخوتها
ريض يحـادي بالزمل...خليني أعـاتب كربله
بيها إخوتي راحو چتل...وإنسبت بيها العايله
* * *
يا كربله زينب أنه وإمودعة عقد الوله
وإنزلت بيچ إمخدره وإبزود إخوتي إمدلـله
يا كربله بيچ إنفجع گلبي إو دمعتي هامله
عنچ مشيت إميسره وإجسوم إخوتي إبهالفله
* * *
يا كربله إجسوم إخوتي بالدم تراهي إمغسله
وإمچفّنه إبذاري الترب إو بيها السيوف إمّثله
إو راس الحسين إعله الرمح شمر الضبابي شايله
والراس يبره إلمحملي إو كلسا أصد وأتمثله
* * *
إو عالمشرعه عندچ عفت راعي العلم والمرجله
إو گلّيله للكوفه سدر ضعن الچنت متكفله
والجاسم إثياب العرس من الوفه متفصله
وإتحنه من دم رگبته إو ثوب الشهاده إعليه حله
* * *
إو ياكربله عندچ عفت شبه النبي خير المله
وإمصاب ألأكبر بالگلب والگلب ما يتحمله
يا كربله وأُم الطفل تصرخ إبدمعه سايله
عطشان إبنها منچتل أحّا ينبلة حرمله
* * *
