ألأبوذيات
لسان حال الحوراء زينب
إفنون النوح مني وآنه منها...عله ألأمنت خـدري وآنه منها
شحنت الكوفه منه وآنه منها...إشلون إيصير تتصدق عليه
* * *
يگلبي إشعوّدك عالهضم وإدمـاك...أظن سهم المصيبه أرداك وأدماك
لو من حرمله وافاك وأدماك...سهم نحر الطفل بالغاضريه
* * *
ليالي الغرب غربتنه وحنها...يحگلي لطبـج إضلوعي وحنها
سبايب حزن لصبغها وحنها...من إجروح العرس بالغاضريه
* * *
دليلي إشركّده إعله الهـم شهاده...وريجي إمن الدهر حنظل شهاده
إعيون النامت إبحجر الشهاده...سهر وافت إعيون الفاطميه
* * *
لعب بيّه زماني وهان ما هان...وليالينه إلمضـت يحسين ما هان
يابن أمي عَلَي فرگاك ما هان...مشيت إميسره غصبا عليه
* * *
عيوني روت كـل محمل بهلها...عله السادة عله العالم بهلها
عظيمة شان والعصمه بهلها...وبنت بيت الصبر بالغاضريه
* * *
