إعيوني جفّن إمن الدمع وأعيان...وچبدي ذاب من الهضم وأعيان
أنه زينب ربيبة خدر وأعيان...هظيمه وأنهدي لبن الدعيّه
* * *
الگلب عگب إخوتي بيمن يهنه...الـدهر ما أنصف إويانه يهلنه
هاي الخيل غارتنه يهلنه...ولا منكم عدل يحمي إلثنيه
* * *
يهلنه غوّت إبروحي ولمها...وبعد مَيحَصِل وياكم ولمها
بگيت إرعه إبيتاماكم ولمها...وأكف عنهـا الضرب وأشگف بديه
* * *
يرف گلبي إعله كل مأتم ونابي...أونن ونة الثكله ونابي
ثغري ما بسم ضاحچ ونابي...عگب عين الگضو بالغاضريه
* * *
روحي الدهر عزرها وهنها...إو هذا النحّل إعظامي وهنها
النوايب علي سهلها وهنا...إمصاب حسين بأرض الغاضريه
* * *
الجهاد إمن إخوتي دربه وساعه...تلم الكـون ميلمهم وساعه
يفرحني الدهر ساعه وساعه...عليه إيلملم أحزان البريه
* * *
جدنه خيرة العالم وبانه...إو شرفنه ساد بالوادم وبانه
دهـرنه إتظاهر إبجوره وبانه...عگب عين إخوتي إسباع الحميه
* * *
أنه زينب إو خـدري چان مثله...ولا بالكون يحصل خدر مثله
گلبي بالمثلث هاك مثله...إو دون حسين راويني المنيه
* * *