مشّاي مشّاي أروح الكربله

يوم أربعينك أَلَـبّــي دعوتك...مشّاية يحسين أجي لزيارتك
تأمرني مولاي أذوب ابخدمتك...يا مالك الروح يا هيبة أمتك
ملهوف ملهوف يبن عقد الوله
 
 كل المواكب بعدها اعله الوعد...تدريها كل عام إلك تكتب عهد
خيرك غطاها يمن خيرك مدد...وفاية وياك عليها الله شهد
تتلقه كل ضيف هله ومية هله
 
خليها لجدام فرض هذا وجب...بس ابطريقك شفت راحه التعب
عمري الخدمتك يبو اليمه انوهب...واهواية الأسباب أريد أذكر سبب
شفت اعله دربك تعب عمري حله 
 
إرفع لي راية وأحس صوتك إلي...شد حيلي مولاي تقلي ما يلي
عون الله وياك محمد وعلي...والروح يحسين تعبها ينجلي
كل مشي الأيام يصير اشمسهله
 
شفت الكرامات أنا بهذا الدرب...يوم أربعينك يسهل كل صعب
كل بيت بيتي أبد ماكو غرب...جي أنت محبوب توافي كل محب
عنّاي عنّاي عشق قلبي امتله
 
بعيوني يحسين إلك صورة عشگ...بعون الله ما يوم يغالي نفترگ
دفتر حياتي أريده ينطبگ...وآنا بطريقك مثل شمعه أحترگ
والروح والروح شفتها امدلـله

للباري أدعي إلهي أتوسلك...ينطيني توفيق أجي وأوصل إلك
مولاي يحسين مناي أمواصلك...واتقلي روح الحبيب ايسجّلك
ممنون ممنون يبن العله