يا بناتي...مدري متغيرات لو متغير آنه
يا بناتي...الرمح قاعد بالمكان المو مكانه
يا بناتي...يا بناتي
ياللي دللتني من خلص دلالي...ابخدي ظل بويه مكان البوسه خالي
أنعم الله اعله الرمح يا بويه عالي...ويطمئن اعليجن ابكل خطوه بالي
ابذكرياتي...خمسه أذكر أدري من أذكر قليله
ابذكرياتي...سكنه خوله عاتكه رقيه العليله
يا بناتي...يا بناتي
سكنه بويه ليش ما قالوا لج الناس...عله الصار اعله الشريعه فاضت إحساس
بعد لا تقرين جيب الماي عباس...مات عمج والبگاله اعله الرمح راس
أمنياتي...جانت أكبر من عطاشه وسالفة ماي
أمنياتي...الشمر واقف لي وأريده يوقف اوياي
يا بناتي...يا بناتي
بالله شخبار العليله التنتظرني...كسرة العباس مدمعها كسرني
ميت وقالت لي بويه ما تمرني...القهر زينب أسمع اتقلي قهرني
من مماتي...هم تجي لو ما تجي خلص حجيها
من مماتي...بالمدينه وآنا دوم أسمع بجيها
يا بناتي...يا بناتي
غالية البنت اعله ابوها اشقد يحبها...اشلون لو قدامه فد واحد ضربها
بنتي خوله اتموت عطشانه اشذنبها...اتشرفت تربة بعلبك من تربها
يا غلاتي...أدري من اترد لي زينب ما تجيني
يا غلاتي...أربعيني ابدونها مو أربعيني
يا بناتي...يا بناتي
عندي موعد بالحلم أوصل رقيه...واعدتها من جنت بالطف رميه
اتقله بويه ليش متأخر عليه...يضربوني وعله حلقي امخليه إديه
يا أغاتي...الزهره وصتني اعله زينب من مشينه
يا أغاتي...البيها المكفيها ما عايز بجينه
يا بناتي...يا بناتي
جرد أسماء الضعن دمعة عيوني...مو نفس ما راحوا أيتامي يجوني
اشلون لتقولن يبويه انتوا لوني...السبوكم وآنا بترابي سبوني
وي خواتي...املطخ ابدمي يجي ثوب المن الثوب
وي خواتي...بويه مشتاقه اعله الظهر مكتوب
يا بناتي...يا بناتي
