وقال في شجاعة القاسم بن الحسن(ع) : ـ
جاسم أطرب إعله الكون من يه...ولعد الگوم ماظل بعد منيه
إبحد سيفي عذاب إو بيه منيه...أجسمها عليكم بالسويه
* * *
وقال في شجاعة علي ألأكبر : ـ
ألأكبر صال عالجيمه ويرها...إبسيفه إو حكمه بيها ويرها
أغالي لو لت حيدر ويرها...لچن مثله إشهدت بيه البريه
* * *
وله في حق العباس بن علي : ـ
الكتايب عن وجه عباس هابت...خوف إو لعد حرب الشهم هابت
باتت والرعب والوجل هابت...إوياها من شبل حامي الحميه
* * *
جاب الماي أبد ماشرب يرعه...وهو ناب الضمه بالگلب يرعه
أبو فاضل لكد والجيش يرعه...گصده إيوصله لبن الزچيه
* * *
وقال في حق حبيب بن مظاهر ألأسدي : ـ
حبيب الطلگ الدنيا وملها...وروحه إنطوت نيتها وملها
إلنصرت والد اليمه وملها...نضير إو چسب دنيا إو آخريه
* * *
وله في حق الحر بن يزيد الرياحي :ـ
هله بالحر رجع نادم وحياه...إسمه إو جابته الغيره وحياه
لبو اليمه إو رضه منه وحياه...خلدله إسم بالغاضريه
* * *
وقال في طفلة الحسين (ع) التي ماتت على رأس أبيها في الشام:ـ
وحگ إللي شطر بالسيف ما چل...بگه خدي لعند الدمع ما چل
دليلي مثل طير الصاف ما چل...على العالراس وافتها المنيه
* * *
إشحال إللي أوگفت ويزيد شامات...بيها ومطربه كل أهل شامات
يتيمه إلها إو گعت عالراس شامات...ثغره إو لا وعت تدي الوصيه
* * *
وقال في إستهاض الحجة المهدي (عج) :ـ
يا يوم المبارك يوم ناره...علم لبن الحسن والكون ناره
يلوح إمطهمه والسيف ناره...تشب ويعيد حرب الغاضريه
* * *
جدك لبن ود حيدر حمل له...إو راسه للنبي بيده حمل له
يمن للدين ما غيرك حما له...إو جدك شيد أركانه القويه
* * *
بحر جودك چذب من گال ينشاف...إو طرفك سيدي من گال ينشاف
إليشوف إلواك من كل داي ينشاف...تزمّه إبيا وكت يبن الزچيه
* * *
