بهاي إديه ودعتهم...غالي غالي
اشصار بيه وادفنتهم...غالي غالي
عله ادموعي واعدتهم...غالي غالي
والله ما أنساهم الجانو ضواي...راحو وهم زين ظل بعيوني ماي
چنت أمشي بأخوتي مأمن گفاي...هسه لمن ألتفت محد وراي
آنه زينب فارگوني...گمره گمره
راح أوزع من عيوني...گمره گمره
دمعي بيه عالأحبهم...والي والي
غالي غالي
من علي السجاد يلجمني الهوه...ذكريات اجفوفي و اجفوفه سوه
ومثلما بمتوني بمتونه انجوه...العلة افراگي بعد ما كو دوه
مني راحوا ماي عيني...گطره گطره
واستراحوا وظل حنيني...گطره گطره
من الأذية سولفتهم...حالي حالي
غالي غالي
حيلي صاير خيط من دفن النجوم...إلا أگولن يا علي لو ردت أگوم
لأن وحدي صار يجرحني اليلوم...من الشماته ما تشوف اعيوني نوم
بشتياقي بگلبي نبضن...دمعه دمعه
الليلة كله بخدي ركضن...دمعه دمعه
ما كو جيه شاهدتهم...تالي تالي
غالي غالي
صرت أول حرمه بفراگ أنذكر...اشسوه بيه الله لا ينطي الشمر
ما كو واحد ما عرف بيه كسر...من مشيتي امبينه فارگني بدر
ظلي ظلي حشمتهن...نجمه نجمه
ايسولفن لي عن قمرهن...نجمه نجمه
ابكل مسية انتظرهم...عالي عالي
غالي غالي
أصفن وعيني يغمضها الدرب...آنا أول تالي بسياط أنضرب
اتراب من راسي وصل حد الگلب...حيل وياج اسمعتها من الغرب
من سكوتي بيه تكبر...جلمه جلمه
حته صوتي يطلع أحمر...جلمه جلمه
مو سبية بس عفتهم...خالي خالي
غالي غالي
ابگلبي لجمات الحرب ما ظن تروح...من الطفوف الحد علي السجاد أنوح
والله مدري اشلون ظلت بيه روح...الموت ماخذ راحتي وخله الجروح
الموتي أصبر بس أتاني...ساعه ساعه
ميته و أنطر موت ثاني...ساعه ساعه
الموت إليه عاهدتهم...تالي تالي
غالي غالي
