أصحاب الحسين علييه السلام

إنهم النخبة الطيبة التي فازت برضا ألله جل وعلا ونالت شرف وسام الشهادة مع سيد الشهداء وإبن الرسول ألأكرم صلى ألله عليه وىله وسلم دفاعا عن المبادئ والقيم ألإسلامية ألأصيلة ، لأجل إحقاق الحق وتفنيد الباطل وإعادة ألإسلام إلى جادة الصواب بعد أن إنتحت به (أمية) بإنحرافاتها جانبا بما تملي عليها ألأهواء والمطامع والحقد الدفين على آل النبي عليهم السلام ، فهنيئا لهذه الصفوة المختارة من أصحاب الحسين عليه السلام.

هاك أخذ وإسمع وفه أصحاب الشهيد...إشسجل التاريخ إلهم من حميد
* * * * *
عالبسيطه ما يصح إلهم نضير...ومثل وفتهم فلا صار ويصير
بدر وحنين وبسوس ويه الهرير...إتكورت بالطف على حسين العجيد
* * * * *
شافو إتكاثر الجيش إتباشرو...ولا تظن عن العقيده إتزلزلو
هزو المسكون كله من إهجمو...جندلو فرسانها فوگ الصعيد
* * * * *
شرعو برماحهم يتنادبون...والكلايف يالمحب عدهم تهون
طفحت إلوب الكتايب والعيون...شخصت إو بالفارّه إنترست البيد
* * * * *
چالأسد واحدهم إو يخسه ألأسد...عنهم إيطربون يوم المنطرد
إو گفو دون الخيم والمظلوم سد...منع وإسكندر على سده يزيد
* * * * *
شمرو إلوب ألأجسام إعله الدروع...ولا تگف بوجوهم كثرة إجموع
للسيوف إمن إهجمو فكو البوع...إتعانگو ويه الضبا إمعانگ الغيد
* * * * *
چني أنظر من وگف يخطب حبيب...عالبعد ينسمع صوته والجريب
إبساعة إلبيها الطفل گلبه يشيب...بألأنصار وصفت وصار إلها ويد
* * * * *
مسلم ينادي حبيب ويا زهير...وعابس وكل صحبته إوياهم برير
اليوم بلشاش العده نشبع الطير...لجل أبو اليمه نضحي إشما يريد
* * * * *
لا تظن واحد رجف منه گلب...من يطب للكون يطرب عالحرب
چالنجوم إتساگطو فوگ الترب...دون سيدهم المابايع يزيد
* * * * *
وگف يرثيهم شبل حامي الحمه...يالنشامه يالحويتو الغانمه
وكل أهل بيتي يهالي المكرمه...عألأثر وأبگه بلا ناصر وحيد
* * * * *