ميلاد صاحب العصر (عجل)

القرآن الكريم ومئات الأحاديث النبوية الشريفة تخبرنا عن حقيقة وجود وظهور ألإمام الحجة المهدي محمد بن ألإمام الحسن العسكري عليه السلام والذي ولد سنة 255 هـ ولا يزال غائبا مستورا عن ألأعين كما شاءت القدرة ألإلهية منتظرا أمر ألله تعالى بالفرج ليملأ ألأرض قسطا وعدلا (إن شاء ألله) بعد ما ملئت ظلما وجورا.

هالليله إنولد مولود...للعسكري إو حي فاله
لبس تاج الشرف والتاج...فوگ الراس يحلاله 
* * * * *
الباري توجّه إبهالتاج وإمرصع إبإيمانه
ملك عيّنه إبملك الدين والدستور قرآنه
المشيئه إقتضت يتغيب عن ألأبصار برهانه
إو هو حاضر إويانه...إو عينه الشهم ترعانه
إو كل واحد إلمن عدنه عليه تنعرض أعماله
* * * * *
ألله ما جعل هالكون خالي من ولي إو حجه
بعد العسكري عوده عيّن شبله الحجه
إليطلب بسم ابو صالح إمن ألله حتم يترجه
ينول إشما تحب روحه...هدية محب ممدوحه
الموالي إشما إمن ألله إيريد يتدلل إو يجراله
* * * * *
إبنوره نور السبعه السماوات العلا كلها
الملايك بأمر باريها إبفرح عقدت محافلها
والجنة الخلد رضوان حوره إبحلل جملها
إعله أهلها النار طفاها...إو ن إجرامها إعفاها
وإلما يحب مهدينه عنه الحكم ما شاله
* * * * *
الليله الشيعه فرحانه إبر إو بحر عدهم عيد
وتتهادى إبنتانيها ترد بشواها أهل البيد
السمه تنفتح بيبانه وأطلب يالمحب شتريد
راعي شان هالمولود...عد باري السمه المعبود
اليحبه إشما يحب ينطيه وكلما يخطر إباله
* * * * *
نترجاك يالغايب إو نتربه على دربك
وإحنه گلوبنا تغلي يمشكر مثل گلبك
يا يوم إعلى المطهم تلوح إبأمر من ربك
وتجينه ناشر الرايه...يعزنا إلبيك الكفايه
نخبرك بالذي عدنه إو كلمن يشتكي حاله
* * * * *
ولواء الحمد من مكه تزمه إبچفك السطار
وللكوفه تصل مصباح إبيوم المايطير إغبار
وعلى تخت الحكم تگعد والتنفيذ بالبتار
يا آيه إعله كل آيه...ويا نجمة السرايه
وتشوف العالم أكثرها بس للبطل مياله
* * * * *
الباطل صار حگ عدها والحگ سوته باطل
وإللي إيريد يحچي إيخاف ما بيه حيل ويماطل
والمعروف ماله إجناح بيه إيطير ظل عاطل
ظل مفرد إبين إعداه...ولا واحد يصول إوياه
بس عينه بگت تذرف على الوجنات هماله
* * * * *
ينظر طلعتك يمته بيها يأمر المعبود
وإلهذا الظلم تمحيه الخله الحگ يذبإچبود
يبن مكه إو منى تدري من گلبه يراعي الزود
سوي مثل ما مريود...والعاجز يريد إشهود
إو شيصفيه إلهذا الكون غير السيف يهلاله
* * * * *