يا إلهي يا علي...يا محمد يا علي
يا أمير الطف علي...علي علي علي
أريد راس إبن غانم...أريد رجعتك سالم 
 
يبعد أمك أريدك من تجيهم...صقر ويخيم اجناحك عليهم
اليشتمون ويضربوني بسبيهم...تقص السانهم واتقص إديهم
تراهم مو زلم يا زلمه بيهم...قبلما ترتجز لبسوا عبيهم
يا محمد بالحرب...يا سهل لكن صعب
يا نبض وسط القلب...علي علي علي
ينور جدك الخاتم...أريد راس ابن غانم
 
 أنا قبلك شفت كثرة عددهم...سبعة آلاف حرمه من احسبتهم
أريدك لو وصلت الميمنتهم...تلوح ابسيفك آخر ميسرتهم
أصيح ابني الشهم كلما خذتهم...وأقلك جيبهم واترد جبتهم
ها وريدك عالنهر...ها مثل سيف القمر
ها يشبعهم قهر...علي علي علي
ضواك من قمر هاشم...أريد رجعتك سالم
 
أعرفنك ولا محتاج أذكرك...ولكن يمه بهاي أخبرك
فعال المو زلم من يمها أحذرك...تره ايدور مكيده الما يقدرك
وأخافن من سهم جاهل يغدرك...إخذ قلبي ودرع شده اعله صدرك
هذا حيدر في بدر...هذا اشرد يا شمر
هذا يا اهل الغدر...علي علي علي
إجاك موتك الحاسم...أريد رجعتك سالم
 
إذا تنزل عله الحومه وثراها...اريدك فوقهم تطبق سماها
عليك بداعة اسكينه وضماها...أريد اعيونهم تخطف ضواها
السبعة آلاف والواقف وراها...اهلهل لو شفت جفك لواها
لو تسد عين الضوه...لو تقص راس الهوه
لو عله اخيامك نوه...علي علي علي
نخيت ربك العالم...أريد رجعتك سالم 
 
يجاوبها علي وتسمع كلامه...يقلها اليوم أسويها القيامه
ييمه أدعيلي بس مو بالسلامه...عطش خيم عله اعيوني بظلامه
إذا ابنج عليهم سل حسامه...منو يمس والدي ويوصل خيامه
راح أزلزل هالأرض...راح أشق طول وعرض
راح أصليهم فرض...علي علي علي
أشيل راسه ليقاوم...أريد رجعتك سالم
 
أنا رايح بعد صوب المنيه...إذا أرجع اسولفلج عليه
شسوي بحالهم بالغاضريه...أدنق روسهم تحت الوطيه
وأجي وراس التريدينه ابيديه...وأقدمه الوالدي واطلب هديه
ما شكيت من الدمه...ما تحملت الضمه
ما بجت عين السمه...علي علي علي  
وأصيح العطش ظالم...أريد رجعتك سالم 
 
وأفوت الخيمتج يمه وأبشرج...وأدب هم الحرب كله اعله صدرج
يروح الماي فدوه الهذا عطرج...وتهون الدنيه كلها إقبال خدرج
وأودعج ثاني مره وبيها أخبرج...أرد إلهم بعد بسما أرد لج
لا أخونج بالعهد...لا نسيت آنه الوعد
لا يصب دمعج بعد...علي علي علي
حُسين جرحج القادم...أريد رجعتك سالم
 
أطيح وعينج اتشاهد يحره...السهام بوسط قلبي مستقره
أسوي القاع بالدم قطعه حمره...وأبوي ايشيلني ايريد اعله صدره
ولكن للأسف مكسور ظهره...وأنا بجسمي أعتقد ميتين طبره
مو تلجمين الجرح...مو حبيبج ينذبح
مو عذابج للصبح...علي علي علي
لحين طلعت القائم...أريد رجعتك سالم