ليـش ابـــو الـسـجـاد شـد ارحالــه          ويــــن مـاخــذ عـيـلـتـه وأطـفـالــه

* * *

صحت ومن الحزن لظلوعي حنيت          ويــن گـاصـد يـبـن مَـنْ شيد البيت

يــا بـــــلاد تـريـد يـا مسـلـك نويت          وليش طـالــع ســـيدي بـهـالحـالـه

* * *

ويــن يـا وارث شـرف آدم ونــوح          ليــش گـبـل الـتـرويـه عـازم تروح

انفجعت الكعبه والك زمـزم يـنـوح          وهذا مـايــه عـلـيـك مـدمع ســــاله

* * *

ويــن يـا وارث ابـراهـيــم الخـلـيل          راشـــد، ولا ويــن عـازم بالرحيــل

ولـيــش ماخذ حرم واطفال وعليل          والمنايــه لـهـالســـــفـر تـبــرالــــه

* * *

وين يا وارث شـرف موسى الكليم          ويـبــن مـن للنـــار والجـنـه قسـيم

اعليك يتهامل دمــع ركـن الحـطـيم          ويومك أرعـب گـلـب مـكـه وهـالـه

* * *

مــا تـگـلـي ويـن عـازم بـالـمـسير          وناحر افجوج الفله ابشمس الهجير

اشراح تلگه ابرحلتك شنهواليصير          يـبـــن هـاديـنـــــه وبـقـيــــة آلـــه

* * *

چني اسمع صوت ابو اليمه اعتله          گــــال نــاوي بـالظـعـيـنـه لكـربـلـه

لـلأجــل شــــديت هــاي الـراحـلــه          الموت بالـعـــز نـحـــري يـتـعـنـاله

* * *

لـو وصـلـت لكربله عيوني تشوف          جيوش مثل الموج توگف بالطفوف

تشهر ابوجهي العواسل والسيوف          والـنـحـــر بـالـذبــــح تـصــدالــــــه

* * *

دمـه صـواب الحجر يحجب ناظري          والشـمـر بـالسـيـف يگطع منحري

وبجدل بأطـمـاعـه يگطـع خنصري          وفوگ جسـمــي تسـحـگ الخـيـاله

* * *

ما يظل من الجسم مفصـل صـحيح          ومـن وريـدي لـلأرض دمي يسيح

واسـمـع الأمـلاك تصـرخ يـا ذبيـح          آه ودمــــــــوع الــوحـي هـمـــالــه

* * *