نـحـسـب مـحـن يـالغايب ... و الدنيه تدري اشبيها ...بس انته التصفيها
نـحـسـب محن نحسب اهموم و أحزان ... و الدنيه جارت و الدهر بينه خان
مـو نـار وحـده بـالـضـمـاير نيران ... و ثارات أجدادك طوتها الأزمان
مـن انـيـن أبـدي يـالمهدي من انين ... أولها لو تاليها ... بس انته لتصفيها
أول مـصـيـبـه الـلـي نـعيش اوياها ... كسر الضلع للموت ما ننساها
أمـك الـزهـره هـالـدهـر عـاداهـا ... تدري الزمان بيا وضع خلاها
انـهـض الـثـارك انـهـض ... ثـارات لا تـخـليها ... بس انته لتصفيها
يـبن الحسن أشرح الك ثاني امصاب ... امصاب الوصي جدك علي داحي الباب
سـيـف ابـن ملجم صوبه اشلون اصواب ... و بطبرته ساجد وقع بالمحراب
جـدك تـصـوب جـدك ... هـالـطـبره شيداويها ... بس انته لتصفيها
ثالث مصيبه الصخر من عدها ايذوب ... جم دوب تصبر عل المصايب جم دوب
و الـحـسـن عمك جبده بالسم مصيوب ... لا تنسه ثارات الحسن يالمحجوب
جـبـده تـقـطـع جـبـده ... هـالـمحنه تعلم بيها ... بس انته لتصفيها
يـا يـوم لـلـثـارات تـنهض يا يوم ... ما سامع بكربله اشعملت هالقوم
قـطـعـوا نـحر جدك غريب و مظلوم ... شايف جسد يتغسل ابجاري ادموم
جـسـمـه تـوذر جـسـمـه ... هالفاجعه و ما بيها ... بس انته لتصفيها
و انـجـان بـالـطف شمر واحد موجود ... آلالاف شفنه مثله ما إلها احدود
ظـاهـره مـسـلـم يـمـشي بمر المعبود ... لو تكشف الباطن تشوفه نمرود
بـسـمـك تـصـيـح الأمـه ... دنـيانه يا مهديها ... بس انته لتصفيها
و الـدنـيـه طـبـع الدنيه يبن الأطهار ... اتخون الشريف و توفي ويه الغدار
تـقـلـب انـهـار بليل و الليل انهار ... و تحسب احساب الشوق ويه الأثمار |
