أضف الموضوع
الشاعر هيثم سعّودي الكربلائي - 16/05/2009م - 5:02 ص | عدد القراء: 2913
هـل عـلـى الكون ابجماله ... وانتشر نور العداله
حـلّـت الـيوم السعاده ... امبارك ابهاي الولاده
يبو صالح ... يبو صالح ... يبو صالح ... يبو صالح
* * *
سـيّـدي اريـاض الـولايه روت بالكوثر شجرها
او حـمـلت اغصان الفضيله وانتجت حاصل ثمرها
او طـارت اطـيـور الـسعاده اتخبّر الدنيه ابخبرها
ابـفرحه البلابل صدّحت... شجره النرجس قدّحت
او وردة الـمهدي اتفتّحت... او نسّم الدنيه عطرها
او چنّـي أتـنـسّـم عبيره... وانظر الطلعه المنيره
والگلـب فـرحـان ناده... امبارك ابهاي الولاده
يبو صالح ... يبو صالح ... يبو صالح... يبو صالح
* * *
نـاده دلاّلـي يـغـالـي امـبـارك ابهالي الولاده
وارض سـامـراء رفّـت بـيـهـا أعلام السعاده
او صـعـد عـالـملويه هاتف كبّر او أذّن او ناده
نـاده بـاسم ربّ الفلق... الحق اءجه الباطل زهق
بـالـمـهدي والمهدي انخلق... رحمة الباري العباده
او كـل محب هاليله داره... تضوي بشموع البشاره
او يـحـن لـلمهدي فؤاده... امبارك ابهاي الولاده
يبو صالح ... يبو صالح ... يبو صالح ... يبو صالح
* * *
يـحـن لـلـمهدي فؤادي او حگّي يالمهدي تراني
اشـكثر شافت صور عيني ابعمري هذا ابكل كياني
لچن بـس صـورتـك غـابت عنّي يا أغله الاماني
لـو أجـمـع اسنين العمر... وابدربك اگعد وانتظر
او بس لحظه من يمّي تمر... تسوه كل عمري او كياني
يـمـته يالمهدي ظروفك... تسمح او نگدر نشوفك
والـصـبـر مو اءلنه عاده... امبارك ابهاي الولاده
يبو صالح ... يبو صالح ... يبو صالح ... يبو صالح
* * *
سـيّـدي مـوسـي' نـبـينه رغم اءيمانه ويقينه
راد يـنـظـر وجـه ربّـه مـن تعنّه الطور سينه
او لـعـد سـردابـك يغالي الشوفتك يوم اعتنينه
مـا شـافتك عين البشر... يگصر الهل شوفه النظر
بـارواحـنـه يـالـمنتظر... والگلب شافك ابعينه
اشـكـثر ما طوّل غيابك... حاضر ابخافق احبابك
او شـوفـة الـمهدي عباده... امبارك ابهاي الولاده
يبو صالح ... يبو صالح ... يبو صالح ... يبو صالح
* * *
شـوفـة الـمـهدي عباده للحِضه ابنوره او ضيائه
الـمـهدي نور العلي او حجّة خالقه ابأرضه او سمائه
او لـون لـلـبـاري مـحـمّد صُبح خاتم أنبيائه
الـمـهـدي ابن المصطفه... نور الله شعّ او ما طفه
او بـرهـانه ظاهر ما خفه... او هوّه خاتم أوصيائه
او حجّة الباري او خليفه... او عالخلگ حبّه وظيفه
امـعـيّـنـه ربّ الاءراده... امبارك ابهاي الولاده
يبو صالح ... يبو صالح ... يبو صالح ... يبو صالح
* * *
سـيّـدي ابـهـاي الـولاده اليفرح ايريد البشاره
يـمـتـه يـالـمـهدي الموالي يمسح ادموع انتظاره
گوم شـوف الـنـاس بعدك شامته او وادم حياره
نـاس بغيابك شكّكت... وناس اكفرت او اُوشكت
والـتحب صاحت واشتكت... يمته چا يحضر الثاره
او يـاخـذ ابثار الزچيّه... او ثار ابن حامي الحميّه
والـمـحـب يـحضه ابمراده... امبارك ابهاي الولاده
يبو صالح ... يبو صالح ... يبو صالح ... يبو صالح |
|
