هـالـيـوم لـجـل الـحسن ومصيبته ... مالومه وتهل الدمع شيعته چم جـرح شـافـت عـتـرة المصطفى .. لليوم ينزف والألم  ماشفه ضَـي  الـكـرم والجود وسفه انطفه .. وغابت مصابيح الهدى  ابغيبته أظـلـمـت  الـدنـيا  وغيمت بالمحن .. هاليوم وأنوار الهدايه انطفن وجـبـريل  هل دمعه أعله فگد الحسن .. وبيت الرساله خيم  بوحشته بـعـيوني  خل  دمعچ يهل من دمه .. لغياب شبل الوصي حامي  الحمه وآسي الزچيه الطاهرة فاطمه .. اعله مصاب ابنها الگطعوا بالسم چبدته ريـت الـزچيـه أبهالوضع حاضره .. وأتشوف أبومحمد ابحاله  أشجره سـم الـغـدر وي دمـه لـمـن سـره .. يتلوه گام يلوع برويحته اشـحـال أبـواليمه حسين لمن نظر .. الابن أمه من سلم الامر  القدر نـاداه  يـاخـويـه  حنيت الظهر .. يالعفت اخوك ابچف ظلم  دنيته نـادا  او  دمـع الـعـين عالخد يصب .. ونار المصيبه ابمهجته  تلتهب يـبـن أمـي فگدك عـلي كلش صعب .. ياضوه الخوه والعده طفته يـحـزام ظـهري بعد شحمل صبر .. ياخويه عگبك شلي ابهذا العمر مـاحـسـبـت يلفيكـ سم الغدر .. دگعد لخوك أو ساعده  ابمحنته ريـت  الحسن حاضر ابطف كربله .. ويشوف اخوه اشلون وليه  انوله مـنـهـو  الدفن جثته او من غسله .. او صدره حوافر خيلهم  رضته