المهدي إجانه...نور بسمانه
وانهني عوده الحسن
هوه حمانه...وبسمه ندانه
وانهني عوده الحسن

خل تستعد أهل الوعي والإيمان
هالليله مولد من هو شريك القرآن
هذا الإمام اعله الإنس واعله الجان
وأصبح خليفه ونور من الرحمان
وانمد إدينه...الغايب ولينه
ونبذل له أغله الثمن
هوه حمانه...وبسمه ندانه
وانهني عوده الحسن

صّوره باري الكون رحمه
ويخلص من الظلم هاي الأمه
والشيعه كلها بمقدمه مهتمه
من اجل ميلاده غدت ملتمه
والحور إجتنه...ومن بشّرتنه
للمهدي يتباشرن
هوه حمانه...وبسمه ندانه
وانهني عوده الحسن

بمقدمك دنيانه غدت مسروره
وبسمك محافلنه بهنه معموره
وكلمن سعت هيه أصبحت مشكوره
وهالصوره تبقه للحشر مذخوره
صورة تهاني...وبيها الأماني
وتنظرها جنة عدن
هوه حمانه...وبسمه ندانه
وانهني عوده الحسن

شيعة المهدي تفتخر بالميلاد
وانجعل عدها عيد أحله الأعياد
من حيث فرحانه جميع الأمجاد
وعطر المحبه فاح من الأوراد
يزهي حفلنه...نوره شملنه
وقلب المحب انشحن
هوه حمانه...وبسمه ندانه
وانهني عوده الحسن

ونتمنه سنة التجي الدنيه تندار
ونعقد حفلنه بصحن حماي الجار
ويبره المنه وننجه من الأخطار
وناخذ هديه من الصميده الكرار
دار الصميده...هيه سعيده
ومن نوره يزهي الصحن
هوه حمانه...وبسمه ندانه
وانهني عوده الحسن