رب العرش توحد...بإسم جدك محمد
يبن الحسن يبن الحسن...وانت تهدينه
 

يا سيف الدين وسلطانه...ثابت اوجودك
والمبدأ ثبتت أركانه...بعزمك وزودك
والحق اتروت أغصانه...من بحر جودك
دين الله ونهجه وقرآنه...صارن اشهودك
للمؤتمن للمؤتمن...ثبتت دينه
يبن الحسن يبن الحسن...وانت تهدينه

يالمهدي تنورت فكرتنه...بنورك الثاقب
واليوم انجدد بيعتنه...إلك يالغايب
بإسمك تتحقق غايتنه...يا فخر غالب
من مبدأنه ومن سيرتنه...نحفظ الواجب
نهج السنن نهج السنن...وكل قوانينه
يبن الحسن يبن الحسن وانت تهدينه

انت الدين وذاته وشرعه...وانت قانونه
يا سور المانع يا قلعه...وبيك مضمونه
صرختنه بإسمك مرتفعه...وخل يسمعونه
أهل الباطل وأهل البدعه...ما يهمونه
وأهل الفتن وأهل الفتن...خل تعادينه
يبن الحسن يبن الحسن...وانت تهدينه

غيرك يالغايب ما إلنه...نحجي وانصارح
يالمهدي بحبك آمنه...والعدل واضح
وبيوم ظهورك نتمنه...نطلع انكافح
وعنك ما يوم اتبدلنه...والمحب ناجح
حبك ضمن حبك ضمن...شرف ماضينه
يبن الحسن يبن الحسن...وانت تهدينه

مصباحك يالمهدي بنوره...للبشر يهدي
يا يوم الساعه المذخوره...والفرح يبدي
والرايه بجفك منشوره...وبالنصر تحدي
رايه ومن جدك مذخوره...إلك يالمهدي
يتحققن يتحققن...كل أمانينه
يبن الحسن يبن الحسن...وانت تهدينه

يا شمس الدين الوضاحه...فجر أمتنه
يومك نتأمل مصباحه...وبيك عزتنه
بسيفك هالعالم إصلاحه...وانت غايتنه
والماضي انجدد أفراحه...وتزهي دنيتنه
ذاك الزمن ذاك الزمن...تضحك اسنينه
يبن الحسن يبن الحسن...وانت تهدينه

نرعه المصباح وننتظره...طول اغيابك
نتامل من وجهك نظره...ونسمع اجوابك
حر الموعد مثل الجمره...بمهجة أحبابك
نحيي الليل وننطر فجره...نحسب إحسابه
من هالمحن من هالمحن...من ينجينه
يبن الحسن يبن الحسن...وانت تهدينه