نسأل ومنكم اجابه نـنـتـظـر...هذا مسلم طاح لو طاح القصر
رايــات .. مسلم تعله
هيهات .. منّا الـذلــــه
🔹🔹🔹🔹🔸
حادثة مسلم صفت عبره ودرس...والنتيجه اليوم من تضحية أمـس
الغيم مهما كثر ما يحجب شـمـس...هاي حـكـمه ومنها لازم نـتعـبـر
🔹🔹🔹🔹🔸
مسلم بإيـمانـه للكـوفـه دخــــــل...وهوّه يعرف ناتج الجـيّه الأجـل
عنده غايه ايريد يوصلها ووصل...ومايـهـمّه من تغـدره أهل الغـدر
🔹🔹🔹🔹🔸
هـوّه مـادام الحسـيـن بـداخـلـه...من يجـيه الموت يصرخ ياهله
فـتـحـوا بمـفـتـاح دمّـه كـربـلـه...وثورة الإصلاح صار الها جسر
🔹🔹🔹🔹🔸
بالقصر مثل الجبل لمّن وگـف...وابن مرجانه لمن شافه ارتجف
زود مسلم ريح والـيـمّه سـعـف...والوجوه انگلبت وصارت صفر
🔹🔹🔹🔹🔸
من القصر رادوا يدفعون الجبل...زلزل آسـاس القـصـر لمّـن نزل
طاح بس خلّه الأرض بيها خلل...انفطرت وصوب القصر يمشي الفطر
🔹🔹🔹🔹🔸
الگلبه صافي اينول حسن العاقبه...وهذا مـسـلـم الله رافـع كـوكـبـــه
شوفه صايـر ويـن وبـيـا مـرتـبه...القصر ذاك ايقـبّـل اجـدام الگـبـر
🔹🔹🔹🔹🔸
الشمس تخجل من تعاين گـبّـتـه...وبالمنـايـر ذهـب تـلـمـع هـيـبـته
باب للحاجات صارت حضرته...والعـسـر بعـتـابها يصـبـح يـسـر
🔹🔹🔹🔹🔸
جـيـنـه وبدمعة حميده انحلّـفه...وبدمـاء اولاده ذيــچ النـازفـه
نظره من انريد نظـرة عاطفه...والفـرج منّه نريـده ونـنـتـظـر
