عونك والتريده ايصير...وانا اختك يبوفاضل
راسك عالرمح رايه...يخويه وبعدك الكافل
يعباس العهد بعده...بينك يالاخو وبيني
حشاك وما تعوف اختك...محتاره تخليني
يكفيني للعده ايخافون...منك خويه يكفيني
يصگار الزلم عونك...عدل ميت يخافونك
يخويه اوداعة اعيونك
هذا امگدر ومكتوب...بأمر الله الگلب قابل
مجرد لو گلت إسمك تتراجف تره العدوان
وما بيهم زلم والله وليتهم على النسوان
عليل وچتفوه يا خوي لاذمه ولا وجدان
ومن صاح الظعن كله...نعم هيهات للذله
طعنة ابكل خصم خله
أمن واطمئن عباس...بعده الصبره متواصل
اجيت من المدينه اوياك...ونكمل هالدرب للشام
إذا ظالم تجسر غاد...راد ايروع الأيتام
رمح راسك يطگ غيظه...يوزع حمم عالظلام
خزره ياكمر تكفي...چنك واكف ابصفي
وفي وبعهودك اتوفي
كـفو منك يرفعة راس...اختك والأجر واصل
يماي العين ويه حسين انه للسبي أمشي
ما يخلص صبر گلبي يخويه اتحملت كلشي
صوركم بقت بعيوني حرسهن جفني وي رمشي
اختك ما اطخ الراس خويه لآخر الأنفاس
يا عباس يا عباس
ما يفرح قلب شامت...ولا يغفه جفن عاذل
حسبة وكت ياخويه...يا بهجتي وشوف العين
ترد الروس للأجساد...نلتم بأربعين حسين
ما كلت الجره والصار...چان إلنه يخويه وين
حمدت الباري عالمقسوم...قرار وحكمة القيوم
خليها الدموع ادموم
دمكم مايضيع ابيوم...تاريخ الظفر حافل
وفيّت الكفاله اوياي...ما عِندك أبد تقصير
فوگ العين والجفين...كافل عالرمال اتصير
وين اندير يا عباس...رمحك عالظعينه إيدير
وفاك ابكل زمن آيه...نعم يا حامل الرايه
أختم رايده ابهايه
مضرب مثل للخوة...واعلى مرتبة حاصل
