[ موشح صفوة الحسين (ع) ]
اشلون صفوه احسين شد بنفالها...على الدنيه اوللأوثان أنفالها
ما رأت عين اوخبر مر ابسمع...ماجد ابسبعين وبعشره اوسبع
غزه اعله الدنيه واهل ملك الربع...اوفتح والغايه ابغزاته نالها
صحت وبضلعاي واحشاي الحريج...اوللدموع اخدود بخدود اوزريج
لي طلع من الحرم گبل الحجيج...ابيوم واحد والمحارم حالها
وهو للكعبه وجود أربع أركان...اوكل ركن جبله للاسلام او أمان
گالو اعليه زحفت افراد الزمان...اوجيمة الدنيه اوحزب جهّالها
اوحاذر اعله البيت من حزب الشرك...حتّه لا بالحرم دمّه ينسفك
اوحرمة المسجد تذل اوتنتهك...يوجب الحرمه السبط يرعاها
اولون ما هذا السبب شبل الندب...ما ترك حج العليه فرضه وجب
زحفت ابگومه النجایب والچتب...سرت والموت الحمر يبرالها
اوبين ما بيها الهجن تخبط البر...الفه امن الكوفه لبو اليمّه الخبر
خانت ابمسلم الوادم وانغدر...واسحبوه بسواگها اوبحبالها
اوحين سمعت هاشم ابهذا المصاب...غده تتواره اعله مسلم بالتراب
هاجت امثال التهيج امن الاشياب...اليوث تهدر دون حد اشبالها
ناده سيّدهم يهل بيتي ابرهد...الموت مر اولليروم العز شهد
اودون هذا الدين مسلمنه انفگد...اوفاز بجنانه اوورد سلسالها
اويهل بيتي اويالعمام اويخوتي...أبد عن هالوجه تعدل نیّتي
اوخانت الكوفه اونقضت بيعتي...اولا هله اولا حي فالها
اوشخصي المطلوب من دون الاشخاص...والامر مرسوم لاچن عَلَي خاص
اوما علي انتو يهل بيتي ارخاص...اوحرمة البيعه عليكم حالها
واليفارجني عليه منّي السلام...اوما عليه ذمّه امن اياديّ اوذمام
حين سمعت ما حچه احسين العمام...وابحشاها النار زاد اشعالها
