[ موشح للهواشم ]
وين هاشم گوطرت بظعونها...گالوا الطف كربله يردونها
وين هاشم گوطرت بالظعن وين...اوما درينه ابهالمسير اشگاصدين
گالوا الطف كربله ایريد الحسين...اوما درينه ابسفرته امظمونها
احسين من فارگ وطن جدّه اوطلع...گالت الوادم طلع لجل الطمع
لچن بس اللّي حضر عنده اوسمع...خطبته والوادم ایسمعونها
خطب شوف اشکال ابن فارس بدر...مات ابن هند الحكم بسم الكفر
اوبعد ليزيد الرجس دار الامر...هاي اميّه اوشوف هاي افنونها
او بعد گالولي أريد الوي الجيد...الحر يموت اوما يبايع للعبيد
آنه ابن فاطمه اتعرفوني اويزيد...امّه ما تخفاكم اتعرفونها
الآل اميّه الحكم ما يقبل الدین...والعبد لا تعتقد يصبح امین
ساعة الگشره اعله ذيچ المسلمين...الأحكام الجايره يرضونها
