[ موشح في المصطفى (ص) ]
یا رسول الله امتّك منهاجها...ابعكس منهاجك وفگدت تاجها
بالذي مبعوث رحمه اعله العباد...مصلح او منهاجك اونورك رشاد
جامع الدنيه اوحشر يوم المعاد...ابعمل صالح للثنين اسياجها
ارشدت وانصحت وابذلت الجهد...لعد هالامه اوصرت روح ابجسد
بالمعاجز والفضل منهو انفرد...غيرك اوبيك افتخر معراجها
أوجدت لامتّك عز اوسلطنه...ابآخره اودنيه اصبحت متهيمنه
كّونت لامتك حصون امحصنّه...شامخه الهام الثريّه ابراجها
اشلون امه استفحلت واتخلّفت...اشلون امه اتعززت وتذلّلت
اشلون امه اتحررت واستعبدت...هالّذي الاسلام اصبح ماجها
منهج الاسلام ميحب الذليل...اولا لبو وجهين مختلفه يميل
علل هالأمّه ابعداد المستحيل...حتّه عزها اليعجز امن اعلاجها
أُمّة اللي عالفكر متعلمه...اوبالاسلام اضحت ابعز متنعمه
چسحت النعمه الغبيه المجرمه...اوسلّمت بيد الذياب انعاجها
اوهالشباب المايع اوهاي البنات...استهترن وتبرجّن بالمنكرات
والشريف انفگد والمعروف مات...واضحت الامه الفجور انتاجها
النسه استفحلت بالزي والثياب...والرجال اصبحت مثل ام الحجاب
ایزاحم النسوان بعض امن الشباب...بالحفافه اوخيطها اوسبداجها
گوم وانصر يارسول الله امّتك...منهم الأغلب ابمنهاجك فتك
عدموا الدين الحنيف اوسنّتك...گطعوا ابسيف الظلاله اوداجها
لون حظ امتك يبو الزهره عدل...حافظت عالدين لـمّا تمتثل
الف وسفه اوحيف ياسيد الرسل...صار ويّه اهل السبت ادماجها
