سـائـل واجـيت ببابك ...يالمايرد طلابك
أتـمـسـك ويـا أعتابك... يالمايرد طلابك
بـعـيوني... بظنوني... ساكن برموش عيوني
كـل منظر... ياشبر ...ساكن برموش عيوني
حـد الـمـضـايف ينتهي يم جودك ...هلا
لـو جـان حـاتـم جا تغطى بزودك... هلا
يـالـشـيـمتك رايه وترف بحدودك... هلا
خـلـيـنـي خـادم هيبتي بوجودك... هلا
تـصحيني ...تمشيني... بس من ملحك غذيني
بيك افخر ...ياشبر... بس من ملحك غذيني
وصـفـك غـزيـر مـتعب الحجايه... هلا
آيـة جـمـال تـشـابـهـك يا آيه... هلا
خـلـيـنـي ويـا الـتقصدك عنايه ...هلا
بـاكـنـاف بـيتك واستظل بعيايه ...هلا
يـم جـارك ...باكتارك... اقبل خادم سميني
أتـنـطـر... يـا شبر... اقبل خادم سميني
سـاطـه جـبـيـنك يا بدر وتلالي... هلا
روح الـمـوالـي مـرقـدك يالوالي ...هلا
شـايـل ضـريـحك بالقلب يالغالي... هلا
لــولاك لا أول الـي ولا تـالـي... هـلا
بـودادك ...مـن زادك ...يالمالكني بإحسانك
جـن حيدر... يا شبر ...يالمالكني بإحسانك
عـلـى الـقالوا ابتر طه بيك اتباهى ...هلا
آيـات كـوثـر جـيـتـك معناها ...هلا
شـيـمـة عـلـي عندك وهيبة طه ...هلا
نـعـم الأمـيـر لـشيعتك ترعاها... هلا
معرفوك... ما اعوفك... من أصحابك احسبني
أتـحـسر... يا شبر... من أصحابك احسبني
حـاءك حـرب عزة ادخلت ميدانك ...هلا
سـيـنـك سلام ووضحت احسانك... هلا
نـونـك نـصر صلحك البين شانك ...هلا
يـتـنـاثـر لـدر الـحكم بلسانك ...هلا
نـاديـتك... تانيتك... هنا يالفضلك غاطيني
يـمـشكر ... يا شبر... هنا يالفضلك غاطيني |
