يا ملائكة السمه....شيعوها فاطمه

يا ملائكة الجلاله اهبطوا بهالليله
بالمدامع بالمصيبة عينوا حامي دخيله
علي من بعد الزجيه ظهره فاگد حيله
خله بجناح نعشها جبرئيل يشيله
عينوا حماي الحمه...شيعوها فاطمه

كل ملامح هالمصيبة بدمعته مطبوعه
و الجبل طوله تراهو الزهره تحن ضلوعه
خلي اسرافيل ينزل عالجنازة بروعه
لا يطش اعله الورد ورده خل يرش دموعه
و المدامع من دمه...شيعوها فاطمه

هذا ستر الله و حجابه وي علي تشيلونه
نعش و البي ريحة الله بالنعي تشيعونه
من بعد روح الزجيه علي صار شلونه
تارس جناح الملايك من دموع عيونه
بيها روحه هايمه...شيعوها فاطمه

علي نزّلها بقبرها و ايتناثر نوره
وجهه شافوا صار اصفر و حالته مخطوره
نزلت جفوفه يويلي ضلوعها المكسوره
شاف من عدل جفنها عينها المسطوره
شاف حاله مؤلمه...شيعوها فاطمه

شحالته الله يساعد علي بلا عافيته
راحت عيونه و ضواها من فگد أُم بيته
راح جف هواي غالي و افتگد حنيته
رخصت الدنيه اعله حيدر من دفن حريته
حزنه كلمة اترجمه...شيعوها فاطمه