الله شاء الليلة اعوف احبابي...عنكبوت و طير ماكو ابابي
اقره بعيون السمه...الليلة تُقتل فاطمه
*****
الليلة احس الباري كاتبلي اموت...چن سفينة عمري متلگيها حوت
و الحمامة تنوح بس بلايه صوت...ما حضرني و يعتذرلي العنكبوت
بغار حراء والدچ حاميته...ما قسم لي الباري احرس بيته
صاح يا ربي لِمَ...الليلة تُقتل فاطمه
*****
جوه شجرة طوبى اشم ريحة عزاء...و النصب جادر محمد بالسماء
هذا آدم دخل خلفه الأنبياء...البگه براسك يا امام الأتقياء
ترس روحي المصطفى بونينه...يگلي بوسليي الحسين بعينه
ابني يا هو اليتمه...الليلة تُقتل فاطمه
*****
يا هلا بموتي اذا لهلي اروح...و انسه طعم الآه و الهم و الجروح
بس اخافن علي يظل ابلايه روح...و اني اعرفه شلون من سكته ينوح
يحترگ دمه و اشم دخانه...مثل بيت احزاني بيت احزانه
ويلي يا حامي الحمه...الليلة تُقتل فاطمه
*****
زينب ابنيتي مثل نسمة سَحر...ترفه مثل الماي و تفلش الحجر
طفله بس عيونها تحس بالخطر...النظرة منها تكبر جروحي دهر
اليتيمة الناس تمسح راسها...و الاميرة ينجرح احساسها
و النده يصبح ضمه...الليلة تُقتل فاطمه
*****
هيه مو حسبة ضلع لو حز وتين...القصد مو فاطمة المقصود دين
رادوا يغدرون رب العالمين...و اللعين يصير امير المؤمنين
رادوا يذبحون دين الباري...و الفسوق شيء اجباري
بيّه دين الله احتمه...الليلة تُقتل فاطمه
*****
من كسر ضلعي و بدينه انعد جراح...و انتهينا بروس مشيوله برماح
ونيتي العلّمت زينب عالنياح...وي طيحة عمي احس عبدالله طاح
لحظة المحسن وگع عذروني...جان عبد الله دمع بعيوني
وبحضن عمه ارتمه...الليلة تُقتل فاطمه
*****
الموت راحة بس هضم ولدي العذاب...حسين اشوفه دموعه يشربها التراب
و الحسن مطوي مثل طويت كتاب...محسن الما شم هوه يغتاله باب
آه يا دهري شكثر حسراتي...بس اشد من كسرتي بنياتي
للمصاب محزمه...الليلة تُقتل فاطمه