عايش أحزاني...تلگاني...ابمجلس فاطمه

يامحله جوگات اللطم من تنظر اعليها
بدفترها حتماً فاطمه اتسجلنه بيديها
شلي ابحياتي ودنيتي لو ما لطم بيها
خل صدري يوگع والمهم فاطم اواسيها
روحي متعلمه...بالخدمه...هيبه ومكرمه

اشكر الهي اعله اللطم من زغري حزمني
عالـــكربلائي والــدي والشـــور علــــمني
اذكُــرها امي بــكل عـــزه للزهره نــذرتني
گالت لون عفت اللطم يعني انته مو ابني
ابمجلس الزهره...متحضره...امي الخادمه

عاشور عمري والدمع من زغري عاشرته
يامحله ثوب الأسود اعله الزهــره فصلته
كلمن تحـــــزم باللطم اعــــليه قــــــدمته
لطام اعرفه من العلگ وأتـــــــوسل ابخته
عابس اجنوني...عرفوني...عمري امقدمه

من تحضر ابهاي المجالس كون عالفطره
لتفكر بهيئة وعـــدد وياهو الذي يقــــــره
اظلوع الزجيه ياخلك تــــــدروها متكسره
يامحله عالفطره اللطم لاتـــــدور الشهره
فاطمه تحضر...وي حيدر...حماي الحمه

امصاب الزجيه والظلع والباب اذكـــــرها
مو ضلعي كون الفاطمه اظلوعي اكسرها
ترضوها حـــرمه والزلم بالباب تعصـــــرها
والصعبة ياناس اعله خدها الثاني يسطرها
شتسوه...دمعاتي...مولاتي...مدمعها دمه