قادم بثاري...بيدي بتّاري...يزهراء
دمعتي و ناري...غيرة الباري...يزهراء
انه ابو صالح ييمه و صاحب الكون...فاطمي يجري المصابج دمع العيون
باجر بساعة ظهوري الكل يشوفون...يبتلع سيفي ييمه جيوش فرعون
شاخصه انظاري...وجفي فقّاري...يزهراء
و الحزن داري...غيرة الباري...يزهراء
غايب و همج ييمه ابقلبي طوفان...كل مسه مأتم اسوي ابيت الاحزان
الطم بحرقه و اصيح بصوت الاشجان...لعنة اعله السقيفة وآل سفيان
شاعت اخباري...منج اسراري...يزهراء
مدمعي الجاري...غيرة الباري...يزهراء
من غايبي الدنيه باجر اطلعلها...اوكف ابابج حزين ادموعي اهلها
احرق ابأيدي السقيفة و كل اهلها...و اقلع الشجرة الخبيثة من اصلها
اكشف استاري...ينبني داري...يزهراء
منچ انواري...غيرة الباري...يزهراء
حمره مثل جروح متنج دمعة العين...منين اجيبن صبر يمه الغيبتي منين
يمته اظهر يمته اصيحن هالكلمتين...يالثارات الزجية و ثار الحسين
شهقة اعباري...همي واكداري...يزهراء
ضمچ الذاري...غيرة الباري...يزهراء
يبقه ضامي اشما رويته طمع التراب...من عمت عينه حرمنه امن اغلى الاحباب
ما يغمض لحظة وحده العنده غياب...عمري خلصته انوح ابعتبة الباب
ليلي ونهاري...كلشي بأفكاري...يزهراء
بيدچ اقداري...غيرة الباري...يزهراء
ضلعج المكسور مثله قلبي مكسور...و الليالي الفاطمية عندي عاشور
يمته قبرج يمه اظهره مثل القبور...وابني الج قبة ومنارة و يسطع النور
نجمة اسحاري...تقبلي اعذاري...يزهراء
ابصدري بسماري...غيرة الباري...يزهراء
