(مآسي بضعة الرسول)
یا فارس بدر وحنين يميدب طواغيها
ليش أم الحسن تنخاك ما تسمع نواخيها
انته الترهب احدودك اوتتواگد ثنيتك نار
وانته البلضنك مندوب وانته اللي تحامي الجار
تسمع صرخة الزهره وهي اتحشمك اباب الدار
گلي اشعوگك عنها * او تسمع یافحل ونها *لمن سگط حسنها
اوگامت تندب ابفضه وانته اتعاين اعليها
تلوج امن الظلع وتصيح گوميلي يفضه ابساع
عصرني او هشم اضلوعي ومحسن سگط فوگ الگاع
شنهو السبب يا كرار ليها ما گمت فزاع
تشوف الرجس يعصرها * وعلى العين يسطرها * و هي مكسور خاطرها
اوغصبوا فدك من عدها اونحلتها اوعواليها
تسمع صوتها اتنادي پفضه اویهل مدمعها
اولا چنك يبو الحسنين بين الباب تسمعها
تدافع بيدها (الثانی) اويضربها اويدافعها
اوعينك للوديعه اتشوف * تبچي او ترجف امن الخوف* وانته بالصبر مچتوف
لو هضمك على الوسعه نسفها اوگلب عاليها
يمسیر سفينة نوح ياعصَّاة ابن عمران
یا جاذب عرش بلقیس يا مهر النبي اسليمان
اشلون المحسن اتشوفه اباب الدار عالتربان
والزهره يعصروها * اوجدامك يضربوها * والدارك يطبوها
اوتوليك الذي چانت ابيوم الحرب واليها
ما چان ايخطر عالبال خصمك يصل لحدودك
اویضرب بضعة الهادي يفارس بدر بوجودك
يطب الدارك اجدامه اومنها امچتف ایگودك
او تطلع طايع امن الدار للمسجد يحامي الجمار * تصرخ بضعة المختار
خلوا عن ابن عمي اوجدامك يرد ليها
وراهم تجذب الونه اوتگوم أمن الضلع وتطيح
لاچن الهوه اتغير واسود بالعذاب الريح
خلوا عن ابن عمي يصحاب السقيفه اتصيح
يا گوم العجل تردون * لعند اطفالي اتيتمون * وحسين او حسن يبچون
اهي تبچي اعلى هظمتها اويبچون البواچيها
طلعت صارخه امن الدار لاچن تون وتنادي
(صالح) ما هو عندالله اعز من النبي الهادي
اولاهي ناگته مثلي اوطفلها مثل ويلادي
عليكم لو ردت أدعي * وأجري امن الهظم دمعي * او على الله أقسم بضلعي
أجلب های دنیاکم اوَّلها اعلى تاليها
رد ليها العبد بالسوط وانته اتشوف یاکرار
يضربها على ايديها فوگ الضلع والبسمار
يريد الدارها ایردها اوعیت لن ترد للدار
صاحت اومدمعها ايهلي هيهات ارد المنزلي
ما عوف ابن عمي علي ابگيد الضغاین منولي
عيت لن ترد للدار وانته ابولية العدوان
اوكل امصاب لوجودك عليها يبو الجمله هان
لاچن اليهد الحيل ويشب بالگلب نيران
عگب النوايب والحزن * وضلوعها المنهن تون * بالليل الاظلم تندفن
تاليها ابظلام الليل تدفنها اوتواريها
