لبو إبراهيم من وافه المحتم...عليه الكون كله انرجن واظلم

أبو إبراهيم لمن فارگ الروح...عليه عجت أملاك السبع بالنوح
بچه اعليه العرش والقلم واللوح...اوماظل گب ما ذاب اوتولم

تصيح أم الحسين ابدمع جاري...يبويه اظلم على افراگك نهاري
يبو إبراهيم يا رحمة الباري...عگب عيناك ريت الكون يعدم

يبو إبراهيم يا مخدوم الأملاك...دگلي اشلون صبري اخلاف عيناك
يبويه منبرك موحش الفرگاك...اوصار الفگدك المحراب أظلم

يبويه انكسر قلبي اودمعتي اتسيل...اوعن بيتي انقطع من غبت جبريل
يومك يشبه النفخة اسرافيل...أخذ منه الگلوب اوعالخلگ عم

يبو إبراهيم نورك من خفه اوغاب...غدت ظلمه المدينه ابكثر المصاب
عليك الحسن يبجي وقلبه انعاب...وأخوه احسين يبجي ابدمع من دم