باجر سؤال المهدي بالمحكمه
بأي ذنبٍ قتلت فاطمه

باجر بيوم القيامه نسترد الماضي
ينكشف عنا غطاء الراضي والمو راضي
محكمه والضلع شاهد دوره ما متغاضي
المدعي العام ابو صالح والله هوه القاضي
وينادي من عرشه عالمجرمه

ينفتح تحقيق كامل يشوفه عالي وداني
المهدي يستدعي التعده وبأمر رباني
بالسلاسل يجي امجتف شكو واحد جاني
يصيح عزرائيل جيب الأول اويه الثاني
قاتل وره قاتل اله يحاكمه .. بأي ذنب قتلت فاطمه

مستشار الهادي طه الثاني حامي جاره
المحسن بإيده يشيله ودمعته تتجاره
يشهد المسمار والباب وبعدهم ناره
حجاب فاطم من يذكره كلشي غض أبصاره
وملطخ احجاب الزجية بدمه .. بأي ذنب قتلت فاطمه

يبدي يستجوب القاتل يأخذ إذن الحاكم
هناك كلشي ما يفيده نادم ومو نادم
يسأل الأول المهدي بدمع عينه الساجم
بيا ذنب يفلان تكسر ضلع امي فاطم
وبيا عذر للمهدي لو كلمه .. بأي ذنب قتلت فاطمه

يصيح عالثاني وملفه للإله ايعرضه
الله لا ينطيك تصرخ خادمتها فضه
ليش تدفع باب فاطم والضلعها اترضه
لعنة الله اعليك يكتب واللي ليك اترضه
واللي لطم خدها يجي يقّدمه .. بأي ذنب قتلت فاطمه