انحنه ظهر الأمير وخنكته العبره...وعينه من الدمع طاحت على الزهره
آه وآه يا فاطمه...آه وآه يا فاطمه

حظن صدر النبوة وروح تحمل روح...گاصد للدفن ماخذ سفينة نوح
يودعها بألم والگلب منه ينوح...يا مصعب محنته وحالته وصبره

لم روحه بجرحهه وحطها بجفوفه...ينوح الروح روحه وشمسه مكسوفه
يعاين عالضلع واليحجن حروفه...يعين الله الشفيعة شبيها من حسره

دمع عرش الإله على الوصي اووضعه...من مد الامام جفوفه يم ضلعه
يريد يشيل ضلعه يبدله للبضعه...واترد وردته وما تذبل الزهره

يبن عم الرسول ومهجته ونفسه...يمن البصر منك أخذ درسه
تعب مركب حياتي وعالگبر أرسه...ونينك يلجم جروحي يبو العتره

تاه بحسرتة وحاير يصد ليها...لمن وصته بيا حال يخفيها
حاير يا گبر يحمل معانيها...اليخفي شجرته وبي يحفظ السدره

عصف وأسره الحزن دم كثر جروحه...وهم يخفي النعش والارض مفتوحه
جسم گلبه الامير وضمها وي روحه...ومو بأرض البقيع الزهره بالحضره